Levitikas 16:23 - Buka Blahi Ka Cheke Holo

²³ “Eghuteuna pris Eron ginauna ke pulo ke tei ruma ke lamna ka Suga Tapuale te Blahi, mala hata koko pohe fahaghe teke mei mala ruma lamna ka Chogho te Thofno Blahi fara na, mana mala lilisei pohe igre ka vido tuana.

Levitikas 16:23 ပူးပေါင်းရင်းမြစ်များ

Profet Esikiel 44:19

Eghuteuna kate jifla mare ka glalaba biꞌo kosi ka vido aheva te au teu naiknore tagna na, mare mala hata koko pohe teke fahaghe mare ka nogu Sugablahi iara na mala lilisei fakeli lamna ka chogho blahi igre eghuteuna mare ke fahaghe nodi pohe thedi re mala jifla kosi. Naugna naiknore theome tangomana te habo ka glepo te blahi na.

Profet Esikiel 42:14

Kate gnafa mae pris re nodi gloku ranghini Lord ke lamnagna nogna Sugablahi mana na, mare mala lisei soru nodi pohe blahi re ke lamnadi chogho igre, eghuteuna ke fahaghe keha pohe nhogri, ame tangomana nga mare te jifla kosi te tei ka vido aheva te khapru teu naiknore tagna na. Pohe blahi igre mala au kolho ke lamna vido blahi.”

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Levitikas 16:4

Mana mala kulu apu, eghuteuna mana mala fahaghe nogna pohe blahi teke horo ka famane pohe. Tuana nogna pohe brahu mana na, nei nogna trasis kmoꞌei na, nei nogna nhugha pohe na, nei nogna khepi na.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Levitikas 16:22

Kate tei nanigot igne ka namono nagou na, naꞌa ginauna pala tei nakhibomi ghotilore ke kligna gna thegna ka vido te khaba aheva te theo kaisei naikno te au tagna.

Levitikas 6:11

Aonu mana tei tughu nogna pohere, eghuteuna ke pulo mei mala atha nakrofu igre tei kosi ka vido te au ghotilo na tei ka kaisei vido te gae ka tathagu iara Lord na mala totofa ka vido tuana.