Levitikas 16:2 - Buka Blahi Ka Cheke Holo

² Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Levitikas 16:2 ပူးပေါင်းရင်းမြစ်များ

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Hibru 9:25

Mae pris biꞌo na, ruma ke lamnagna suga tapuale leuleghu finogha. Mana hata balugna dadara buluka, theome dadaragna thegna. Nu mae Kraes ruma jare kaisei fata kolho ne fafarani thegna ka God.

Matiu 27:51

Kate lehe mae Jisas na, pohe biꞌo teke gefe soru ke lamnagna Sugablahi na ne breku pea funu kligna thoke pari. Eghuteuna nakheu biꞌo na ne nghali nauthoglu na, eghuteuna thina biꞌo re ne phike pea.

Fapea Kronikols 5:14

eghume, mare theome tangomana te edi nodi gloku re, naugna naphaegna nogna nolaghi Lord na ne fodu ka nogna Sugablahi na.

Ululahu Kings 8:6

Ke leghugna te fafara te gnafa na, hatimare mae pris pala nogna Bokis Nhaꞌa Cheke Lord na ne tei lamna Sugablahi. Mare lilisei lamna ka Thofno Chogho te Blahi fara na ke pari baghidi phei mumuju engel igre.

Hibru 9:3

Ke lamnagna suga tapuale igne au fapea chogho na eghuteuna mare lilisei kaisei pohe jare mala fanogra gna grengatha na. Mare kiloni chogho igne “Chogho thono blahi fara”.

Naba 17:10

Lord ne cheke eghu ka mae Moses, “Iagho ginauna ke lisei fapulo nogna khodo mae pris Eron na ke ulugna bokis blahi igne. Iagho ginauna tathaji jare mala filo glanidi iheire naikno te khuru cheke fara ka iara igre. Eghuteuna khodo igne ginauna na lilisei au kolho, jame te theome ke hui mare te khuru cheke ka iara na, mare ginauna orio lehe.”

Levitikas 23:27

“Leuleghu finogha, ka fabotho narane gna fafitu nhigra na, ghotilo mala tarai ka Narane biꞌo igne mala Hata Fadelei Nakhibo. Ka narane biꞌo igne, ghotilo mala thosei ghamuni kaisei glepo. Eghuteuna ghotilo mala kafe mei mala kilo fnakno ghau iara, eghuteuna ghotilo mala eni kaisei fafara mala tusu mei jateula glepo blahi eghu ka iara Lord.

Levitikas 16:13

Jare ke ulugu iara, mana ginauna lisei lao insens ka khaꞌaghi te au ka dis na, eghuteuna gagahu gna na ginauna eni igne mala theome tangomana Eron te filoni thotoku gna Bokis Blahi na, aonu mana ginauna theome lehe.

Levitikas 8:35

Bongi narane na, ghotilo mala au fabrahu ka grengathagna Suga Tapuale te Blahi na, ghilei thokeni fitu narane, eghuteuna ghotilo mala edi fabrahu glepo teke chekedi Lord re. Jame te theome eni ghotilo igne na, ghotilo ginauna lehe, naugna igne unha te chekeni Lord ka iara na.”

Hibru 6:19

Noda fatutuani te mala hata glepo te nhaꞌa cheke God ka tahati igre, jateula kaisei sobo eghu ka nakarhada na mala theome tangomana te thugha na. Naugna tahati fatutuani, tahati tangomana te tei ke ulugna God jateula mae pris biꞌo te ruma ke leghugna pohe biꞌo te mala bobothogna chogho te blahi fara te au ke lamnagna Sugablahi na ia eghu.

Hibru 9:5

Ke tagrugna u bokis tuana au phei thotoghaledi engel te kilodi “Serabim”, fagaglana gna God te au ka vido tuana. U baghidi phei thotoghale igre toku tafruni fofothogna bokis na. Jare hatimare te fuafusa u dadara te mala hata fadelei nakhibodi naiknore. Nu ghehati gognaro na theome tangomana te toutonudi gobigna lepo igre ka ghotilo.

Thakle 15:8

Ke lamnagna Sugablahi na fodu ka gagahu. Gagahu igne ne mei funu ka God, mae ihei te au nolaghi te biꞌo fara nei nafnakno. Eghuteuna theome tangomana kaisei naikno te ruma haghe ka Sugablahi igne ghilei sala'u ari fitu papara teke hata teke mei fitu engel igre.

Naba 4:5

Eghuteuna kate tei ghotilo ka keha vido re, thilo mae pris, mae Eron baludi phei thugna re eghu kolho te mala kulu jugru ke lamnagna Suga Thapuale te blahi igne mala kaikalitidi glepo te au tagna re. Thilomare ginauna atha koko pohe biꞌo te fofothogna chogho te blahi te au gna bokis blahi na. Eghuteuna ke atha pohe biꞌo gne mala toutoku bokis blahi tuana.

Ululahu Kings 6:16

Eghuteuna lamna ka khukru gna Sugablahi na, mare horo kaisei chogho ikoi, mare kiloi chogho igne, “Chogho Thono Blahi Fara.” Brahugna chogho igne thokeni nheva mita, eghuteuna mare horo gringni igne ka thaba sida. Gringni igne funu pari tei posa kligna.

Levitikas 16:34

“Vetula igre ghotilo mala leghudi fabrahu. Kaisei narane kolho leghu finogha na ghotilo mala edi glepo igre ka narane biꞌo igne mala hata fadelei nakhibomi te gnafa ghotilore.” Eghume, Eron neke leghudi unha teke chekedi Lord ka Moses.

Naba 18:7

Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”