Levitikas 16:16 - Buka Blahi Ka Cheke Holo

¹⁶ Eghume ka puhi igne, pris biꞌo tangomana te eni igne ka Chogho te Thofno Blahi fara na nei ka Suga Tapuale te Blahi na mala klino ka tathagu iara na. Eron mala jateula igne eghu ka nakhibodi naiknodi Israel naugna mare theome klino ka tathagu iara na.

Levitikas 16:16 ပူးပေါင်းရင်းမြစ်များ

Levitikas 16:18

“Eghuteuna ke leghu, Eron ginauna mala hata tei keha dadara buluka nei nanigot eghu mala lilisei ka Olta mala Gahu Fafara mala jaola klino mana. Mana mala lilisei dadara igre ka fati hona gna olta na,

Levitikas 8:15

Mae Moses aknu falehe buluka nalhaꞌugna igne. Aonu mana ne tihi lao geghesugna na ka dadara na ne ghiha ka fati honagna olta na. Eghuteuna mana atha vido dadara teke au tekuna ne tofa soru ka pesigna olta na. Ka puhi igne mana ne faklinoni olta igne ka tathagna Lord.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Levitikas 16:17

Eghuteuna kate mei mana lamna ka Chogho te Thofno Blahi fara na te mala edi glepo ranghini mana balu tharakna gna nei iheire te gnafa Israel mala klino ka tathagu iara na, theo kaisei naikno te au lamna ka Suga Tapuale te Blahi na ghilei thokeni narane te gnafadi glepo igre.

Levitikas 23:27

“Leuleghu finogha, ka fabotho narane gna fafitu nhigra na, ghotilo mala tarai ka Narane biꞌo igne mala Hata Fadelei Nakhibo. Ka narane biꞌo igne, ghotilo mala thosei ghamuni kaisei glepo. Eghuteuna ghotilo mala kafe mei mala kilo fnakno ghau iara, eghuteuna ghotilo mala eni kaisei fafara mala tusu mei jateula glepo blahi eghu ka iara Lord.

Naba 17:11

Aonu mae Moses ne edi jateula teke chekedi Lord re neu.