Levitikas 16:15 - Buka Blahi Ka Cheke Holo

¹⁵ “Eghuteuna ke leghu na, mana mala aknu falehe nanigot gna fafara te mala ke doglo ghotilo ka tathagu iara na. Eghuteuna mana mala hata mei dadara gna na lamna ka Chogho te Thofno Blahi fara na, eghuteuna mana mala fuafusa lao katha ka thotoku gna Bokis Blahi na nei ka glose ke ulugna Bokis Blahi na, jateula teke eni ka dadara gna buluka ia eghu.

Levitikas 16:15 ပူးပေါင်းရင်းမြစ်များ

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Hibru 9:12

Mae Kraes ruma kaisei fata ngala ka chogho te blahi fara na, kaisei fata tuana ngala tifa tifa. Mana neke theome atha balugna dadara nanigot ba dadara buluka. Theo. Mana neke hata dadaragna thegna mala fafara! Ka puhi igne, mana tangomana te atha fajifla ghita mala snagla fabrahu tahati ka khamegna mae Satan.

Hibru 9:3

Ke lamnagna suga tapuale igne au fapea chogho na eghuteuna mare lilisei kaisei pohe jare mala fanogra gna grengatha na. Mare kiloni chogho igne “Chogho thono blahi fara”.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 6:19

Noda fatutuani te mala hata glepo te nhaꞌa cheke God ka tahati igre, jateula kaisei sobo eghu ka nakarhada na mala theome tangomana te thugha na. Naugna tahati fatutuani, tahati tangomana te tei ke ulugna God jateula mae pris biꞌo te ruma ke leghugna pohe biꞌo te mala bobothogna chogho te blahi fara te au ke lamnagna Sugablahi na ia eghu.

Hibru 5:3

Naugna te nigra na mana nabagna te fafara ka God mala atha fadeleidi God nakhibogna thegna re, nei jaola fafara mala atha fadelei nakhibodi naiknore.

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Hibru 7:27

Mana theome jateula keha mae pris gre eghu. Hatimare fafara leghu narane. Ulu lahu na, mare fafara maladi nakhibodi thedire eghuteuna ke leghu na mala nakhibodi naiknore. Nu mae Jisas theome eni nafnata puhi igne. Naugna mae Jisas neke eni kaisei fafara ngala thinigna thegna na mala hata fadelei nakhibodi naikno te gnafare tifa tifa.

Hibru 9:13

Tifa na mare neke atha u dadara nanigot nei buluka, nei nakrofugna sua buluka teke fafara mare re. Aonu mare fuafusa ke klignadi naikno te theome gae mala klino ke ulugna God.

Levitikas 4:21

Aonu mae pris ginauna pala tei buluka nalhaꞌugna igne mala gahu ke kosigna vido te au mare na, jateula teke eni ka buluka ululahu teke fafara teke atha fadelei nakhibogna ra eghu. Eghume buluka te fafara igne mala doglo ghotilo gnafa ka tathagu iara na.”

Levitikas 4:5

Eghuteuna mana atha mei keha dadara buluka lamna ka Suga Tapuale te Blahi na,

Naba 17:11

Aonu mae Moses ne edi jateula teke chekedi Lord re neu.