Levitikas 16:13 - Buka Blahi Ka Cheke Holo

¹³ Jare ke ulugu iara, mana ginauna lisei lao insens ka khaꞌaghi te au ka dis na, eghuteuna gagahu gna na ginauna eni igne mala theome tangomana Eron te filoni thotoku gna Bokis Blahi na, aonu mana ginauna theome lehe.

Levitikas 16:13 ပူးပေါင်းရင်းမြစ်များ

Eksodas 25:21

Ghotilo ginauna hata phei thina nate tusu ari iara ka iagho igre mala lilisei lamna ka bokis igne, eghuteuna ghotilo atha thotokugna mala bobotho famaku.

Eksodas 30:1

Lord ne cheke eghu ka Moses, “Iagho ginauna atha thaba gaju akesia mala horo kaisei olta mala gahu insens ke kligna gna.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Naba 16:46

Eghuteuna Moses ne cheke eghu ka Eron, “Ei! Lord na la diꞌatagnahi! Kaisei fogra te diꞌa la falehedi naiknore! Iagho faghose tei hata nou dis ia, eghuteuna hata khaꞌaghi mala lilisei balu insens mala hata tei ka mare, mala fafara ka Lord mala hata fadelei mana nakhibodi re.”

Naba 16:18

Ka keha narane na, mare atha ne mei nodi dis re eghuteuna nhaꞌa lao khaꞌaghi balu insens ke lamnagna, eghuteuna mare mei ne kegra baludi mae Moses ghe mae pris Eron ka grengatha gna Sugablahi na.

Levitikas 22:9

“Hatimare mae pris mala leghudi unha teke chekedi iara mala edi mare teku ra, glahu papara nei lehe eghu mare te theome leghudi nogu farirhiu iara igre. Iara Lord, mae ihei teke fablahidi mare.

Eksodas 28:43

Eron baludi thugnare mala fahaghe trasis igre kate mei mare lamna ka Suga Tapuale te Blahi na mala thafoni God, ka narane te mei loku mare ka olta ke lamnagna Chogho Blahi na. Mare mala eni igne, glahu lehe mare. “Eron baludi thugna re, nei iheire nate karha mei ke leghu re, mala leghuni fabrahu vetula igne.”

Naba 4:15

“Kate tarabana ghotilo mala tei ka keha vido re, mae ka vikegna mae Kohat kolho mala pala gobi lepo tuare. Nu ulu lahu na, mae Eron baludi phei thugna re eghu kolho te mala kaikalitidi gobi lepo tuare, naugna vikegna mae Kohat gre theome tangomana te habo ka glepo blahi tuare. Ne habo nga mare nu, mare ginauna lehe.

Diutronomi 33:10

Ghotilo vikegna Livae ra tangomana te farirhiudi vikegna mae Jekop igre ka nogna vetula Lord. Ghotilo tangomana te toghodi naiknodi Israel igre te iuꞌijudi nogna vetula manare. Ghotilo gahu insens mala cheke fakelini Lord, ghotilo tangomana te gahu fafara ka nogna olta mana na.