Levitikas 15:31 - Buka Blahi Ka Cheke Holo

³¹ “Ka puhi igre, ghotilo te gnafa Israel thosei snakreni kaisei glepo te diꞌa mala fathona ghami ka tathagu iara na. Glahu kafe lehe mare naugna ne theome klino ka tathagu iara na eghuteuna mei goigoni Suga Tapuale te Blahi te au fari hoteimi ghotilo igne.”

Levitikas 15:31 ပူးပေါင်းရင်းမြစ်များ

Naba 19:20

“Nu mae ihei te theome fagaeni thegna ka khoꞌu blahi igne na, mana theome klino ka tathagu iara na, nei mana theome tangomana te jugru ka Suga Thapuale te blahi igne, naugna khoꞌu mala atha koko nakhibo igne ne theome fuafusa lao ka mana. Nu jame te tei mana ka Suga Tapuale te blahi na kate theome doglo teu na, mana goigoni nogu Sugablahi iara na. Eghuteuna, mana ginauna jifla ka naiknodi Israel gre.

Profet Esikiel 5:11

Eghume, Iara eni nhaꞌa cheke igne ka nanghagu iara Lord mae ihei te karha fabrahu tifa te tifa: Naugna ghotilo ne goigoni nogu Sugablahi iara gne ne thona ka tathagu iara na eidi gobigna lepo te diꞌa te edi ghotilo igre, iara ginauna na tirogu ghami ghotilo, eghuteuna iara ginauna theome reireghi ghami ghotilo, ba kokhoni ghami fara ghotilo.

Naba 19:13

Mae ihei te habo ka thinidi naikno te lehe nu theome faklinodi thedi teuna, mare theome klino ka tathagu iara na, naugna mare ne theome faklinodi thedi ka khoꞌu blahi igne. Mare na theome tangomana te jugru ka nogu Suga Thapuale te blahi iara na. Jame te tei mana na, mana ginauna goigonini nogu Suga Thapuale te blahi iara na, eghuteuna mana na jifla ka naiknodi Israel re.

Profet Esikiel 23:38

Theome igne kolho te eni repa ka iara na, theo. Repa fatothona nogu vido blahi iara na, nei goigoni nogu narane Sabat iara te mala gnafa na.

Naba 5:3

Neubane nalhaꞌu ba gaꞌase, ghotilo na fajifla naikno te theome keli ka tathagu iara tuare, naugna iara au balumi ghotilo. Ghotilo eni unha te chekeni iara gne na eghunu fadiꞌa mare namono igne.”

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Ululahu Korin 3:17

Eghuteuna jame ihei te roꞌeni sugagna God na, God ginauna jaola roꞌeni mana. Naugna sugagna God na blahi fara, eghuteuna ghotilo jateula sugagna mana na eghu mala blahi fara.

Profet Esikiel 44:23

Mae pris na mare mala farirhiudi nogu naikno iara re mala filo glanidi mare glepo te blahi, nei glepo te theome blahi teure. Eghuteuna mare mala jaola filo glanidi glepo te klino ka tathagu iara na, nei glepo te theome klino.

Profet Daniel 9:27

King igne ginauna eni kaisei nhaꞌa cheke baludi kmana naikno nabagna fitu finogha. Farihoteidi narane tuare, mana ginauna na theome snakredi naiknore mala fafara, ba tusu lao kaisei glepo ka God. King ginauna lilisei haghe kaisei glepo te thono diꞌa fara ke lamnagna nogna Sugablahi God na. Glepo tuana ginauna au ka vido tuana ghilei thokeni narane leghu lahu teke lilisei God malagna mae ihei teke eni glepo te diꞌa igne.”

Nodi Khoje Hatimare Mae Jiu 66:18

Nu jame te ghatho ihodi iara nakhibogure jateula te theo kolho nafudi teuna, God ginauna na theome fanomho ka nogu tharai iara re.

Diutronomi 24:8

“Jame kaisei ka ghotilo au fogra diꞌa ka guligna na, mana mala edi gobigna lepo mae pris ka vikegna Livae te chekedi ka mana re.

Levitikas 21:23

Nu mana thosei mei namo ka pohe te bobotho gna Chogho te Thono Blahi Fara, eghuteuna mana mala thosei mei namo ka nogu olta iara na, glahu edi phei vido blahi igre theome klino ka tathagu iara na. Iara Lord, iara mae ihei teke fablahidi re.”

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Levitikas 19:30

“Ghotilo mala tajini narane Sabat, eghuteuna ghotilo mala ghatho tahuni vido te blahi te mala kilo fnakno ghau iara tagna na, naugna iara Lord.

Levitikas 13:59

“Igre vetula te mala leghudi nei filo fakelidi teu mae pris gre ka nabubla te khasa ka pohe teke horo mare ka wul ba ka flaks ba guli buluka. Igre vetula te mala lasedi pohe igre te klino ba te theome klino ka tathagu iara na.”

Levitikas 11:47

Ghotilo mala famane ghaoghatho fakeli mala vavahi glepo te klino ka tathagu iara na, nei glepo te theome klino ka tathagu iara na. Eghuteuna ghotilo mala jaola vavahi ka glepo te karha naba te mala ghamu ghotilo na, nei glepo te blahi te mala thosei ghamu ghotilo na.”

Levitikas 15:32

Igne vetula maladi iheire te theome klino ka tathagu iara na jateula kaisei mae te au fogra te jifla mei glotho ka thinigna ra eghu, ba ihei te jifla mei khoꞌu ka thinigna ra eghu.

Ululahu Samuel 3:14

Eghume iara neke cheke faheta ka mae Eli balugna tharaknagna mana na, eigna theome tangomana kaisei fafara ba unha te tusu lao ka mana na nate fatheꞌoni papara te nabagna nakhibodi mare re.”

Profet Esikiel 36:17

“Maegna ka nauthoglu. Kani au teku naiknodi Israel tifa ka nodi namono mare na ia, kmana ka mare neke fatothona namono igne ka tathagu iara na ka puhi diꞌa te edi mare re. Puhi igre thono diꞌa fara ka tathagu iara na, jateula dadaragna gaꞌase te fatothonani naꞌa kate filoni khafa na ia eghu.