Levitikas 14:7 - Buka Blahi Ka Cheke Holo

⁷ aonu pris na fuafusa katha dadara fitu fata ka mae ihei te magnahaghei klino ka tathagu iara Lord. Mana mala cheke thakleni mae igne tekela salhu na. Eghuteuna mana lisani keha nanghaji na mala tei nogna.

Levitikas 14:7 ပူးပေါင်းရင်းမြစ်များ

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Profet Isaia 52:15

Nu gognarona naiknodi ka kantri te gnafa igre ginauna jaglo nodi fara ka mana, eghuteuna hatimare mae king ginauna iho cheke ke ulugna mana. Naugna mare neke theome nomhini eigna mae igne, eghuteuna mare ginauna nomhi fakelidi unha glepo teke theome nomhidi mare tifare.”

Fapea Kings 5:14

Aonu mae Naman soru ka khoꞌu Jordan igne ne apu fitu fata leghuni unha teke chekeni mae profet Elisa na. Eghuteuna ke leghugna te apu te gnafa mana na, guligna mana na neke keli fapulo, eghuteuna thinigna mana na neke klino jateula guli sua majaghani neu.

Fapea Kings 5:10

Eghuteuna mae Elisa kuruni nogna mae gloku na ne tei cheke eghu ka mae Naman, “Iagho tei apu fitu fata ka Khoꞌu biꞌo Jordan, eghuteuna thinimu iagho na ginauna nake keli fapulo.”

Ululahu Pita 1:2

Tifa na, God Mama neke vahi ghami ghotilo leghuni nogna gaoghatho na. Eghuteuna mae Tharunga te Blahi neke fablahi ghami naugna mana neke magnahaghe ghami ghotilo te leghuni mae Jisas Kraes nei fagae ghami ka dadaragna mae Jisas Kraes. Iara toreni God mala fablahi ghami nei tusu ranghi ghami pharikeli mala bruara fabrahu tifa tifa.

Hibru 9:19

Ulu lahu na, mae Moses ne kulu rurutha ranghidi naiknore u vetula te gnafa igre. Aonu mana hata khakla sipu te ukru na ne haru ka grege gaju te kiloi “Hisop” ne fabobothu ka dadaradi buluka nei nanigot tela ngigno foduhi ka khoꞌu. Aonu mana ne fuafusa ke kligna gna u buka gna vetula na, eghuteuna ke fuafusa la ke klignadi naiknore.

Hibru 9:13

Tifa na mare neke atha u dadara nanigot nei buluka, nei nakrofugna sua buluka teke fafara mare re. Aonu mare fuafusa ke klignadi naikno te theome gae mala klino ke ulugna God.

Ululahu Jone 5:6

Igne mae Jisas Kraes, mae ihei te mei balu khoꞌu apublahi nei dadara glehe. Theome khoꞌu kolho, nu khoꞌu balu dadara. Eghuteuna mae Tharunga te Blahi na thofno tutuani fara. Te chekeni mae Tharunga te Blahi na igne te thofno tutuani fara mae Jisas neke meihi ka puhi igne.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Hibru 9:21

Jateula tuana eghu mae Moses neke fuafusa u dadara ke tagrugna suga tapuale te blahi na, nei ke klignadi gobigna lepo te blahi te mala loku mare te au ka suga tuana.

Jone 19:34

Kaisei mae soldia ne jajaꞌi fei gagarogna mae Jisas na ka grojo. Aonu dadara balu khoꞌu ne thofa soru ka thinigna mana na.

Profet Maeka 7:19

Lord, ghehati lase nigho iagho te kokhoni ghami ghehati, eghuteuna iagho ginauna atha fadelei nakhibomi ghehati gre mala koko tei fari hotei nhorora.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Levitikas 16:22

Kate tei nanigot igne ka namono nagou na, naꞌa ginauna pala tei nakhibomi ghotilore ke kligna gna thegna ka vido te khaba aheva te theo kaisei naikno te au tagna.

Levitikas 16:19

eghuteuna mana ginauna mala tihi lao geghesu gna na ka dadara igne, eghuteuna fuafusa fitu fata ka olta na, eghuteuna ka puhi igne mana fablahini olta igne mala klino ka nakhibomi ghotilore.”

Levitikas 16:14

Kate mei mana lamna na, mana mala hata mei keha dadara buluka, mana mala tihi lao geghesu gna ka dadara igre mala fuafusa katha ke kligna thotoku gna Bokis Blahi na. Eghuteuna mana mala fuafusa katha dadara igre fitu fata ka glose ke ulugna Bokis Blahi igne.

Levitikas 14:51

Eghuteuna mana ginauna atha keha nanghaji te karha teuna, balu gaju sida nei gnarho ukru nei grege hisop, eghuteuna tihi lao gobigna lepo igre ka dadara gna nanghaji teke aknu falehe ia ngigno balu khoꞌu. Aonu mana fuafusa fitu fata ka suga na.

Levitikas 13:17

eghuteuna mae pris na fifilo ka mana. Jame thubugna mana na thofno gnafahi, mae igne kela klinohi, eghuteuna mae pris ginauna cheke eghu ka mana, ‘Iagho kela klinohi!’

Levitikas 13:13

mae pris mala fifilo ka mae igne. Eghuteuna jame te filoni mana thinigna mae igne teke vegha na eghuteuna fogra igne thofno gnafa ka mana teuna, mana na chekeni te fogragna mae igne la gnafahi, eghuteuna mana kela klino fapulohi.

Levitikas 8:11

Eghuteuna mana fuafusa keha oel fitu fata ke kligna Olta mala Gahu Fafara, baludi tul, nei Dis Biꞌo teke eni ka bras baludi pesigna na, mala blahi glepo igre.

Levitikas 4:17

eghuteuna mana tihi lao geghesugna na ka dadara igne, eghuteuna mana fuafusa fitu fata ke ulugu iara Lord ka pohe te bobothogna Chogho te Thono Blahi fara na.

Levitikas 4:6

eghuteuna mana tihi lao geghesugna ka dadara igne eghuteuna krisu kakatha dadara mala fuafusa fitu fata ke ulugu iara Lord ka pohe te bobothogna Chogho te Thofno Blahi fara na.

Naba 19:12

Eghuteuna ka fatilo narane nei ka fafitu narane teuna, mare mala atha khoꞌu blahi igne mala fagaedi thedi mala klino ka tathagu iara na. Nu jame te theome eni mare na, mare ginauna theome klino ka tathagu iara na.