Levitikas 14:5 - Buka Blahi Ka Cheke Holo

⁵ Eghuteuna pris ginauna chekedi mare mala atha mei kaisei ka phei nanghaji igre, eghuteuna mana mala loku fakligna gna kaisei suspen thina te fodu ka khoꞌu glokha. Eghuteuna mana mala aknu falehe nanghaji igne mala thofa lao dadara gna na ke lamna gna suspen thina igne.

Levitikas 14:5 ပူးပေါင်းရင်းမြစ်များ

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Levitikas 14:50

Mana atha kaisei ka phei nanghaji igre, mala loku haghe ke kligna gna kaisei suspen thina te fodu ka khoꞌu glokha. Eghuteuna mana aknu falehe nanghaji igne mala thofa soru dadara gna na ka suspen te fodu ka khoꞌu glokha igne.

Fapea Korin 13:4

Tutuani mana neke nigra ka teke tupijuruni mare ke kligna gaju fafatha na, nu gognaro na mana karha ka nogna nolaghi God. Tutuani ghehati nogna mae gloku Kraes gre jaola nigra. Nu ghehati karha balugna mana ka nogna nolaghi God. Eghuteuna ghehati ginauna ari jare mala fadogli ghami ghotilo ka nolaghi igne.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Fapea Korin 4:7

Nu neuba ghehati ne hatini gloku te mala toutonu u Nonomho te Keli na, ghehati tharuma naikno kolho jateula dis te hohoro ka glose ia eghu kolho. Eghume naikno te gnafare kafe laseni u nolaghi biꞌo te mala laseni gloku igne neke mei funu ka God, theome neke mei funu ka ghehati.

Naba 5:17

Eghuteuna tofa lao keha khoꞌu blahi ka dis teke horo mare ka glose na, ne haglu ne atha kakatha gaughavu glose te au ka Suga Thapuale te blahi na mala tofa lao ka khoꞌu na.

Levitikas 14:4

pris chekedi naiknore mala atha mei phei nafnata nanghaji te klino te naba gna fafara igne balu kaisei gaju sida, nei kaisei gnarho ukru ikoi, nei kaisei grege gaju te kiloi hisop.

Levitikas 14:6

Pris ginauna atha keha nanghaji te karha teuna balu gaju nei gnarho nei grege hisop tuare. Eghuteuna lisei lao gobigna lepo igre ka dadara tuana,