Levitikas 14:46 - Buka Blahi Ka Cheke Holo46 “Iagho laseni, ihei te tei lamna ka suga igne ka narane pris te bobotho igre, mana theome klino ka tathagu iara na, eghuteuna mana na theome klino ghilei rafi. အခန်းကိုကြည့်ပါ။ |
“Jame kaisei khulumono gna Israel ba mae phosa ghamu nafnahi glepo tautagu teke lehe thegna, ba neke kathu falehe khuma mhata, mae tuana mala titihi nogna pohe na, eghuteuna mana mala apu fakeli, mae igne ginauna theome klino ka tathagu iara na ghilei rafi. Nu ke leghu, mana ginauna klino ka tathagu iara na.
Ghotilo lasedi nafnata glepo te tautagu te theome fnota pea thatabladi re te jateula khuma teu igre theome klino ka tathagu iara na. Nafnata glepo te tautagu igre theome klino ka tathagu iara na eghuteuna jame ihei te haboni thinigna kaisei glepo te tautagu te lehe na. Mana ginauna jaola theome klino ghilei rafi.
Eghuteuna jame kaisei ka glepo te tautagu igre lehe eghuteuna khoko soru ka kaisei glepo, neuba glepo igne ne khoko soru ke kligna kaisei vido thaba, ba ka pohe, ba ka guli glepo te tautagu, ba ka baeg, glepo igne theome klino ka tathagu iara na. Neuba ghotilo ne eni glepo igne ka unha nafnata gloku, ghotilo mala lilisei lamna khoꞌu, ginauna na theome klino ghilei rafi, nu ke leghu na nake klino fapulo.
Ba jame kaisei mae ghamu nafnahigna kaisei glepo tautagu teke lehe thegna, mana mala titihi nogna pohe na, eghuteuna mana ginauna na theome klino ka tathagu iara na ghilei rafi. Eghuteuna jame ihei te pala glepo tautagu igne na, mana mala titihi nogna pohe na, eghuteuna mana ginauna na theome klino ka tathagu iara na ghilei rafi.