Levitikas 14:45 - Buka Blahi Ka Cheke Holo

⁴⁵ Eghume mare mala pa'e soru suga igne, eghuteuna pala tei thina te gnafa baludi thaba nei chara re eghu mala tei ke kosi namono mala koko ka kaisei vido te theome klino ka tathagu iara na.

Levitikas 14:45 ပူးပေါင်းရင်းမြစ်များ

Thakle 11:2

Nu iagho thosei fananaba vido ke kosigna Sugablahi ana, naugna vido tuana la snakrenihi mare ka hatimare mae te theome Jiu are. Mare ginauna goigoni ni Jerusalem naba phia tutu phei nhigra.

Matiu 24:2

Mana ne cheke eghu ka mare, “Uve, ghotilo filodi suga igre. Nu tutuani fara te chekeni iara ka ghotilo na, gringni thina igre ginauna kafe koko pari. Nu ginauna theo kaisei thina nate au ka vido te au teu gognaro gne.”

Matiu 22:7

Aonu, mae funei na diꞌatagna fara ka mare. Mana ne cheke eghu ka nogna mae soldiare, ‘Tei ghotilo mala falehedi naikno te falehedi nogu mae gloku iara ra, nei gnubra fateo nodi namonore eghu.’ Hatimare leghuni nogna cheke mae funei na ne eni igne.

Profet Esikiel 5:4

Ke leghu na, iagho hata keha ka khakla are mala gnubra ka khaꞌaghi. Iagho eni igne mala falaseni te funu ka khaꞌaghi ikoi igne, God ginauna kafe paradi gnafa naiknodi Israel jateula khaꞌaghi tela gnubradihi mare ra eghu.

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Fapea Kings 10:27

Mare ne thofno goigoni thina blahi igne, eghuteuna mare ne paꞌe soru nogna Sugablahi Baal. Eghuteuna mare horo Sugablahi igne mala ke nodi mala tei mata, igne eghu ngala ghilei mei thoke ka narane gognarogne.

Levitikas 14:41

Eghuteuna pris mala jaola grahi koko plasta te au ka gringni thina te gnafa lamna suga igre, eghuteuna mare mala tei koko ke kosi namono, ka vido aheva te theome klino ka tathagu iara na.

Levitikas 14:46

“Iagho laseni, ihei te tei lamna ka suga igne ka narane pris te bobotho igre, mana theome klino ka tathagu iara na, eghuteuna mana na theome klino ghilei rafi.