Levitikas 14:4 - Buka Blahi Ka Cheke Holo

⁴ pris chekedi naiknore mala atha mei phei nafnata nanghaji te klino te naba gna fafara igne balu kaisei gaju sida, nei kaisei gnarho ukru ikoi, nei kaisei grege gaju te kiloi hisop.

Levitikas 14:4 ပူးပေါင်းရင်းမြစ်များ

Naba 19:6

Aonu mae pris Eleasa ginau atha kaisei khodo ka gaju sida, nei kaisei grege gaju hisop, nei kaisei gnarho ukru te ikoi, eghuteuna koko lao thilo glepo igre ka khaꞌaghi na.

Hibru 9:19

Ulu lahu na, mae Moses ne kulu rurutha ranghidi naiknore u vetula te gnafa igre. Aonu mana hata khakla sipu te ukru na ne haru ka grege gaju te kiloi “Hisop” ne fabobothu ka dadaradi buluka nei nanigot tela ngigno foduhi ka khoꞌu. Aonu mana ne fuafusa ke kligna gna u buka gna vetula na, eghuteuna ke fuafusa la ke klignadi naiknore.

Levitikas 14:6

Pris ginauna atha keha nanghaji te karha teuna balu gaju nei gnarho nei grege hisop tuare. Eghuteuna lisei lao gobigna lepo igre ka dadara tuana,

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Eksodas 12:22

Totofa soru dadara gna na ka dis biꞌo eghuteuna atha kaisei grege ikoi ka gaju hisop mala nhaꞌa lao ka dadara te au ka dis na. Eghuteuna ghiha katha vido dadara ka phei phile grengatha re nei jaola ke kligna grengatha na eghu. Ghotilo mala au kolho lamna suga, thosei jifla kosi ghilei rane.

Naba 19:18

Eghuteuna mae te klino ka tathagu iara na, mana ginauna atha khakla gna gaju hisop, eghuteuna fa boubothu ka khoꞌu mala fuafusa ka suga tapuale na baludi keha glepo te au lamna re nei ka naikno teu te au jare re. Mana jaola mala fuafusa ka mae iheire teke habo ka nhubradi naikno te lehe, ba ka beku, ba ka thinigna mae te lehe na, naugna mana ne theome klino.

Levitikas 12:8

Jame gaꞌase igne kuma fara eghuteuna naꞌa theome tangomana te atha te mei sipu ikoi na, naꞌa tangomana te atha te mei phei balhu ba phei thukmu majaghani, keha na mala fafara te thofno krono na eghuteuna keha na mala doglo naꞌa ka tathagu iara na. Eghuteuna pris ginauna atha mei phei nanghaji igre mala fafara ka iara mala klino gaꞌase igne ka tathagu iara Lord na.”

Levitikas 5:7

“Jame kaisei mae kuma eghuteuna mana ninhigrana ranghini te atha te mei kaisei sipu ba kaisei nanigot ka iara, mana tangomana te atha te mei phei balhu ba phei thukmu majaghani, mala eni kaisei fafara mala ke doglo mana, eghuteuna keha na mala eni fafara te thofno krono fara.

Levitikas 1:14

“Jame kaisei mae ka ghotilo magnahaghei te fafara kaisei nanghaji te krono fara, mana mala atha mei kaisei thukmu ba kaisei balhu.

Levitikas 14:5

Eghuteuna pris ginauna chekedi mare mala atha mei kaisei ka phei nanghaji igre, eghuteuna mana mala loku fakligna gna kaisei suspen thina te fodu ka khoꞌu glokha. Eghuteuna mana mala aknu falehe nanghaji igne mala thofa lao dadara gna na ke lamna gna suspen thina igne.