Levitikas 14:34 - Buka Blahi Ka Cheke Holo

³⁴ “Kate tei ghopa te atha glose gna Kenan nate tusu ari iara ka ghotilo te mala khotogna fabrahu igne, eghuteuna jame kaisei naikno filoni kaisei thona teke lilisei iara te kotu ka gringni gna nogna suga na,

Levitikas 14:34 ပူးပေါင်းရင်းမြစ်များ

Diutronomi 32:49

“Iagho tei ka nohi Moab, ka keha phile Khoꞌu biꞌo Jordan ka namono Jeriko. Eghuteuna jare, iagho tei apla ka thogele Nebo, eghuteuna iagho ginauna filoni namono Kenan nate tusu lao iara ka naiknodi Israel.

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Naba 32:22

Eghuteuna kate khotogna ghehati vido tuana, ghotilo tangomana teke pulo mei ka namono igne, naugna ka narane tuana ghotilo ginauna fagnafahi gobigna lepo teke nhaꞌa chekedi ghotilo ka Lord nei ka keha vike te gnafa Israel ra. Aonu Lord ginauna tusu ari vido glose igne ka ghotilo.

Profet Maeka 6:9

Ihei te lalase na mala thofno ghatho tahuni Lord, mana eha eghu mei ka tahati naiknoda Jerusalem, “Famane fanomho mei ghotilo naikno te kafe salo fodu mei ka namono igne!

Profet Emos 6:11

Lord neke chekehi ka mare te mala paꞌe soru suga biꞌo nei suga ikodi teu igre.

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Proveb 3:33

Lord snakreni hoholo na mala thokeni tharakna gna mae te diꞌa na, nu mana fablahi ni tharakna gna mae te doglo na.

Ululahu Samuel 2:6

“Lord tangomana te faleheni naikno na, eghuteuna mana tangomana teke fakarha fapuloni mana na. Mana tangomana te kuruni mana te mala tei ka namonodi mae te lehe ra, eghuteuna mana tangomana teke hata fapuloni naikno na ka namono tuana.

Josua 13:1

Kate kueku'ehi mae Josua na, Lord ne cheke eghu ka mana, “Iagho la kueku'ehi gognarona, nu kmana vido gloseu te theome atha nga teu ghotilo na.

Diutronomi 26:1

Mae Moses ne cheke eghu, “Lord nomi God ghotilo igne neke tusu ari glose ka ghotilo mala hata khotogna. Eghume kate au fakeli ghotilo tagna na,

Diutronomi 19:1

Mae Moses ne cheke eghu, “Lord nomi God ghotilo igne, mana ginauna goigonidi naikno te au ka glose teke tusu ari mana ka ghotilo are. Eghuteuna ghotilo ginauna ngolhi fajifladi naiknore eghuteuna ghotilo hata nodi namono nei nodi suga teu mare re mala au jare.

Diutronomi 12:1

Mae Moses tudu ne cheke eghu, “Gognarona iara na chekedi vetula nei farirhiu eghu te mala thofno leghudi fabrahu ghotilo ka glose Lord nodi God kuꞌemi ghotilo teke tusu ari ka ghotilo ra. Vetula igre:

Diutronomi 7:15

Eghuteuna Lord ginauna bara fothi ghami ka thua fogra fateote'o. Mana ginauna na theome snakre ghami ghotilo mala thoke ghami thua nafnata fogra te thono diꞌa fara te lasedi ghotilo Ijep ra. Nu mana ginauna snakre lao fogra igre ka nomi naoka ghotilore.

Naba 35:10

“Cheke ka naiknodi Israel are kate kasa ghotilo ka khoꞌu Jordan mala tei Kenan teuna,

Naba 32:32

Ghehati ginauna tangomana atha gobigna lepo mala magra gre eghuteuna kulu tei ke ulugna nogna bokis blahi Lord ghilei jugru ghehati Kenan, mala nu uluni ghehati vido glose ke maghati khoꞌu Jordan.”

Levitikas 25:2

“Cheke ka naiknodi Israel kate tei ghotilo ka glose aheva teke nhaꞌa cheke hi iara mala tusu ari ka ghotilo teku ia, leuleghu fata ka fafitu finogha na, ghotilo mala thosei joꞌu gano ka nomi glose na. Nomi glose ghotilo na mala gnafa jateula narane Sabat eghu. Ghotilo mala eni igne mala fagaglana gna ghotilo te ghatho tahu ghau iara Lord.

Levitikas 23:10

“Kate tei ghotilo te au ka glose nate tusu ari iara ka ghotilo na, ghotilo mala hata mei ka pris gano saro ulu teke hata ghotilo ka nomi nagare ra.

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Jenesis 13:17

Tei sagho mala filoni namono nate tusu arini iara ka iagho tuana.”

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Levitikas 14:33

Lord ne cheke eghu ka Moses ghe Eron,

Profet Sekaraea 5:4

Igne unha te chekeni Lord mae ihei te au nolaghi fateote'o. Mana ne cheke eghu, ‘Iara ginauna fatei cheke ka sugadi mae mala blau, nei ka sugadi mae ihei re te chaichaghi kate nhaꞌa cheke. Eghuteuna puhi biꞌo igne ginauna goigoni thaba te gnafa nei thina ka suga igre, ghilei thono diꞌa fara.’ ”

Levitikas 20:24

Nu iara neke nhaꞌa chekehi ka ghotilo te mala atha ghotilo nodi glose mare na. Uve, iara ginauna tusu ari ka ghotilo mala khotogna namono aheva glosegna na thofno keli fara, eghuteuna leuleghu fata na au kmana gano.” Iara Lord, nomi God ghotilo. Iara neke vahi ghami ghotilo neke hata fajifla ghami ka keha naikno re, mala nogu naikno iara.