Levitikas 14:32 - Buka Blahi Ka Cheke Holo

³² “Igre vetula maladi iheire te kuma te theome tangomana te foli sipu te mala fafara na. Mae te kuma igre mala thofno leghudi jame fogra te diꞌa ka guli gna mana igne gnafa eghuteuna mana magnahaghei te klino ka tathagu iara na.”

Levitikas 14:32 ပူးပေါင်းရင်းမြစ်များ

Levitikas 14:21

“Jame kaisei mae kuma fara, eghuteuna mana theome tangomana te atha te mei thilo sipu te edi fafara igre, mana tangomana te atha kaisei sipu nalhaꞌu gna te ikoi kolho mala eni fafara poloru igne mala klino mana ka tathagu iara na. Pris mala pala haghe sipu igne ka tathagu iara na jateula kaisei fafara eghu ka iara. Eghuteuna mala eni fafara igne ka flaoa ka famane wit, mana mala atha kaisei kilo flaoa te ngigno balu oliv oel, eghuteuna mana mala jaola atha kaisei kapu oliv oel biꞌo.

Levitikas 14:10

“Ka fahana narane na, mae igne mala atha mei phei sipu nalhaꞌudi ikodi balugna kaisei sipu gaꞌase gna ikoi te kaisei finogha, eghuteuna thilo glepo igre theo kaisei thona ka thinidi re. Eghuteuna mana mala atha mei fafara ka thilo kilo flaoa ka famane wit teke ngigno fodu mare ka oliv oel, eghuteuna mana jaola mala atha mei kaisei kapu oliv oel biꞌo.

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Levitikas 14:2

“Igne vetula malagna ihei te gnafa fogra te diꞌa teke au ka guli gna na. Igne puhi te mala klino ka tathagu iara: mare atha mei ni mana mala filoni pris,

Levitikas 13:59

“Igre vetula te mala leghudi nei filo fakelidi teu mae pris gre ka nabubla te khasa ka pohe teke horo mare ka wul ba ka flaks ba guli buluka. Igre vetula te mala lasedi pohe igre te klino ba te theome klino ka tathagu iara na.”

Levitikas 13:2

“Jame kaisei naikno au thubu ba nhuge, ba ka thinigna na popoꞌo haghe kakatha ne funu ukru, mare atha mei mae igne ka mae Eron ba ka kaisei mae pris ka thugna mana re.

Levitikas 14:31

Kaisei na mala ei fafara mala ke doglo mana ka tathagu iara na, eghuteuna keha na mala fafara eigna te mala thofno krono na. Eghuteuna mana mala gahu fapea balhu na kligna olta na fodu balugna fafara flaoa ka famane wit. Ka puhi igne, mana eni mae tuana mala klino ka tathagu iara na.

Levitikas 14:33

Lord ne cheke eghu ka Moses ghe Eron,