Levitikas 14:25 - Buka Blahi Ka Cheke Holo

²⁵ Mana mala aknu falehe sipu malagna fafara poloru igne eghuteuna mana mala atha keha dadara gna, nei fa bothu lao ka vido phiapila khuli fei nheta gna mae tuana, nei ka geghesu biꞌo fei khame nheta, nei ka geghesu biꞌo fei ghahe nheta gna mana.

Levitikas 14:25 ပူးပေါင်းရင်းမြစ်များ

Eklesiasti 5:1

Iagho mala ghaoghatho fakeli kate tei tarai ka nogna Sugablahi God na. Thofno keli fara te tei iagho jare te fanomho na, nu iagho thosei fafara jateula mae te fameomekro ra eghu. Naugna mae te fameomekro na theome laseni unha te doglo ka tathagna God na.

Nodi Khoje Hatimare Mae Jiu 40:6

Iagho theome magnahaghei fafara ba toreni kaisei bosu mala gahu ke kligna olta mala hata koko nakhibo. Nu iagho tusu mei khuli ka iara mala tangomana iara te nomhidi nei leghudi teu nou cheke iagho re. Igne unha te magnahaghei iagho te mala eni iara na.

Eksodas 29:20

Iagho aknu falehe sipu tuana eghuteuna atha katha dadara tagna, eghuteuna ghiha lao keha dadara ka khukru khuli fei khame nhetagna mae Eron, nei jaola ka thugna mana re. Eghuteuna iagho ghiha lao dadara igne ka geghesu biꞌo fei khame nhetadi mare, eghuteuna jaola ka geghesu biꞌo fei ghahe nheta. Aonu iagho atha dadara teke salaꞌui igne mala fuafusa ka fati khukrugna olta na.

Levitikas 5:7

“Jame kaisei mae kuma eghuteuna mana ninhigrana ranghini te atha te mei kaisei sipu ba kaisei nanigot ka iara, mana tangomana te atha te mei phei balhu ba phei thukmu majaghani, mala eni kaisei fafara mala ke doglo mana, eghuteuna keha na mala eni fafara te thofno krono fara.

Levitikas 14:26

Pris mala atha oliv oel eghuteuna mana mala jaola tofa keha ka khame mairi gna thegna na.

Levitikas 8:23

Mae Moses aknu falehe sipu igne ne atha keha dadara ne tihi lao fei khuli nhetagna mae Eron, nei ka geghesu biꞌo fei khame nhetagna, nei ka geghesu biꞌo fei ghahe nhetagna.