Levitikas 14:22 - Buka Blahi Ka Cheke Holo

²² Eghuteuna mana mala atha mei phei balhu ba phei thukmu majaghani unha te naba te foli mana na. Kaisei mala fafara mala ke doglo mana ka tathagu iara na, eghuteuna keha na mala eni fafara te thofno krono.

Levitikas 14:22 ပူးပေါင်းရင်းမြစ်များ

Profet Esikiel 7:16

Eghuteuna iheire te karha nga teure, ginauna rikha tei holo ka thogele ro, eghuteuna mare ginauna tanhi jateula balhu te tanhi ka gloha ra eghu ka diꞌanagnafa edi nakhibodi re.

Profet Jeremaea 48:28

Ghotilo naikno te au Moab ra, ghotilo jifla ka namonomi re mala tei horo nomi namono ke lamna gluma fari hotei thogele, jateula nanghaji ikoi te horo gnoku lamna khora thina ra eghu.

Profet Isaia 59:11

Ghehati mhaghu nomi fara, nei jaola diꞌa nagnafami eghu. Leghu fata na, ghehati magnahaghei nigho te mei fakarhi ghami, nu puhimu iagho te doglo na khaba fara ka ghehati.

Profet Isaia 38:14

Iara kabru ghegu fara ne tanhi fabiꞌo. Nu nogu natanhi iara igne, jateula te tanhi balhu ra eghu kolho. Eghuteuna kate filo haghe iara kligna na, tathagure jaola kabru. Lord, togho ghau! Hoholo thoke ghau iara.”

Famane Khoje 2:14

Iagho mala poru kolho jateula kaisei balhu te mhaghu ra eghu, eghuteuna poru lamna khora thina ka geri thogele. Iara magnahagheini fara filo nigho naugna tathamu foflomu iagho re jaola famane fara. Iara magnahagheini fara nomhini naoglamu iagho na, naugna naoglamu iagho na famane fara.

Nodi Khoje Hatimare Mae Jiu 68:13

Neuba iheire teke au teku ka namono re, mare neke jaola neke hata famane glepo te keli teke uludi mare ka magra na.

Levitikas 5:7

“Jame kaisei mae kuma eghuteuna mana ninhigrana ranghini te atha te mei kaisei sipu ba kaisei nanigot ka iara, mana tangomana te atha te mei phei balhu ba phei thukmu majaghani, mala eni kaisei fafara mala ke doglo mana, eghuteuna keha na mala eni fafara te thofno krono fara.

Levitikas 14:21

“Jame kaisei mae kuma fara, eghuteuna mana theome tangomana te atha te mei thilo sipu te edi fafara igre, mana tangomana te atha kaisei sipu nalhaꞌu gna te ikoi kolho mala eni fafara poloru igne mala klino mana ka tathagu iara na. Pris mala pala haghe sipu igne ka tathagu iara na jateula kaisei fafara eghu ka iara. Eghuteuna mala eni fafara igne ka flaoa ka famane wit, mana mala atha kaisei kilo flaoa te ngigno balu oliv oel, eghuteuna mana mala jaola atha kaisei kapu oliv oel biꞌo.

Levitikas 14:24

Eghuteuna pris mala atha mei sipu igne balu kapu oliv oel biꞌo mala eni nogna fafara poloru mae tuana. Pris mala pala haghe phei glepo igre ke ulugu iara jateula fafara eghu ka iara.

Levitikas 15:14

Eghuteuna ka fahana narane na, mana mala atha phei balhu ba phei sua thukmu, eghuteuna tusu lao ka pris ka grengatha gna nogna Suga Tapuale te Blahi Lord.

Naba 6:10

Ka fa nhana narane na, mana ginauna atha mei phei balhu nei phei khoio ka mae pris ka grengatha gna Suga Thapuale te blahi igne.