Levitikas 14:13 - Buka Blahi Ka Cheke Holo

¹³ Mana mala aknu falehe sipu igne lamna ka vido gna Suga tapuale te Blahi na, ka vido te mala aknu falehe glepo tautagu gna fafara tuana mala ke doglo naikno na ka tathagu iara na eghuteuna fafara te thofno knoro. Igne mala aknu falehe ka vido tuana naugna nafnahi gna poloru fafara tuana mala ke doglo naikno na ka tathagu iara na fafara te thofno krono tuana. Mana mala aknu falehe ka vido tuana naugna nafnahi gna poloru fafara tuana thofno blahi fara, eghuteuna mala ghedi mae pris kolho jateula nafnahi gna fafara tuana mala ke doglo naikno na.

Levitikas 14:13 ပူးပေါင်းရင်းမြစ်များ

Levitikas 4:24

Mana habo khamegna na ka phaꞌugna nanigot igne mala laseni te fafara igne nogna mana. Eghuteuna mana aknu falehe nanigot igne ke rarugna olta te mala gahu fafara ka vido te mala aknu falehe glepo te tautagu te mala gahu fakrono mare na. Igne fafara te mala doglo mana ka tathagu iara na.

Levitikas 1:11

Mana aknu falehe buluka igne ke ulugu iara phile ke raru olta, eghuteuna pris ka tharaknagna mae Eron ginauna atha dadaragna buluka igne tofa ka fati philegna olta na.

Eksodas 29:11

Iagho aknu falehe buluka tuana ke ulugu iara Lord, thofno ke ulugna grengatha gna Suga Tapuale te Blahi na.

Levitikas 4:4

Mana atha mei ka iara buluka nalhaꞌugna igne ka grengatha gna Suga Tapuale te Blahi na, eghuteuna mana habo lao ka phaꞌugna buluka nalhaꞌugna igne mala falalase nogna fafara mana na, eghuteuna mana aknu falehe buluka igne ke ulugu iara Lord.

Levitikas 2:3

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 21:22

Nu mana tangomana te ghamu vidodi fafara te mala ghedi mae pris, neuba vido gna fafara igne ne blahi, ba thono blahi fara.

Levitikas 10:17

“Fafara igne mala doglo naikno te gnafare ka tathagna Lord! Eghume naugna unha si ghotilo te theome ghamu thofno nafnahi blahi igne ka glalaba blahi gna Suga tapuale te Blahi gnea?

Profet Esikiel 42:13

Mae igne neke cheke eghu ka iara, “Phei suga igre blahi, naugna vido aheva mae pris te mala mei te namo ka Lord te mala fafara, nei tangomana te ghamu vido gano teke fafara te thono blahi fara te maladi mae pris kolho. Jaola ka vido igne hatimare mae pris te lilisei unha teke hata teke mei naiknore, jateula ngau flaoa teke edi ka wit te thofno keli fara, nei fafara te mala doglo naiknore ka tathagna Lord, nei fafara mala poloru.

Levitikas 2:10

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 7:2

Phile ke raru olta ka vido mala aknu falehe glepo tautagu gna fafara te thono krono igne, tuana vido mala aknu falehe glepo tautagu igne mala fafara mala poloru. Eghuteuna mare mala totofa dadaragna na ka fati philegna olta na.