Levitikas 13:5 - Buka Blahi Ka Cheke Holo

⁵ Aonu ka fafitu narane na mae pris ginauna nake filoi ka mae igne, eghuteuna jame te filoni mana thubu igne te theome biꞌo na, te nanaba teu kolho na, mae pris ginauna nake cheke ka mana mala ke au thegna ka suga igne nabagna keha fitu naranei.

Levitikas 13:5 ပူးပေါင်းရင်းမြစ်များ

Levitikas 13:4

Nu jame te filoni mae pris te thubu igne vegha, eghuteuna theome tei lamna ka nafnahi na, eghuteuna khakla ka vido igne theome vegha teuna, mae pris ginauna chekeni mae igne mala au ka kaisei suga thegna sopa nabagna fitu narane.

Levitikas 13:6

Eghuteuna ka fafitu naranegna mana na, mae pris ginauna nake filoi ka mana, eghuteuna jame thubu igne ikoi theome tei tongana teuna, mae pris ginauna cheke hagheni te mae igne klino, naugna glepo igne kaisei thubu kolho. Nu mae igne mala titihi nogna pohere, mala klino ka tathagu iara na.

Eksodas 29:30

Uve, mae ihei ka vikegna mae Eron te taofini iagho te mala mae pris biꞌo na, ulu lahu na, mana mala fahaghe phoko blahi nabagna fitu narane. Eghuteuna ke leghugna igne mana tangomana te tei loku ka nogu Suga Tapuale te Blahi iara na te mala loku ranghi ghau iara ke lamna Chogho te Blahi na.

Levitikas 14:8

“Ke leghu, mae igne mala titihi fagae nogna pohe re eghuteuna ghoighori khakla gnare, eghuteuna mana mala apu, eghuteuna kate edi mana glepo igre, mana ginauna klino ka tathagu iara na. Funu ka narane tuana, mana tangomana te mei lamna ka vido aheva te au ghotilo tagna na, nu mana theome tangomana te tei lamna ka nogna suga tapuale na. Mana mala thuru kosi ka nogna suga tapuale na ghilei thokedi fitu narane.