Levitikas 13:46 - Buka Blahi Ka Cheke Holo

⁴⁶ Kate au raugha fogra igne ka mana na, mana theome klino ka tathagu iara na ghilei gnafa fogra igne ka mana. Eghuteuna mana jifla ka vido te au naiknore igne mala tei au thegna sopa ke kosi namono.”

Levitikas 13:46 ပူးပေါင်းရင်းမြစ်များ

Fapea Kings 7:3

Ka narane igne, fati mae te au kmana thubu biꞌo te kiloi leprosi ka thinidi re au neu ke kosi grengatha gna namono biꞌo Samaria. Eghuteuna mare ne cheke eghu fari thedi, “Naugna unha si tahati te ofo teu agne nate ghilei lehe gnea?

Fapea Kings 15:5

Lord ne nhaꞌa lao kaisei thubu te thono diꞌa fara te kiloi leprosi ka thinigna mae king na ne ghilei lehe mana. Aonu mana tei ne au sopa thegna ka kaisei suga, eghuteuna mae Jotam thugna mana igne teke gavana ka kantri Juda.

Fapea Kronikols 26:21

King Iusaea au khabru leprosi igne ka thinigna na ne ghilei lehe. Mana theome nabagna te tei ka nogna Sugablahi Lord na. Eghuteuna mana ne au sopa thegna ka kaisei suga, eghuteuna mana vahini mae thugna na, mae Jotam mala reireghini nogna suga king, nei batuni gavman gna Juda.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Fapea Tesalonika 3:14

Jame ihei ka ghotilo te tirogna leghudi cheke te riso ari ghehati ka ghotilo igre, ghotilo filo glani mae tuana. Thosei fofodu ka mana mala mamaja mana ka puhigna thegna re.

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Ululahu Korin 5:5

Ka narane te salo fodu tuana, tahati lisa laoni mana ka khamegna mae Satan mala roꞌeni thinigna mana na. Ka puhi igne God ginauna tangomana te fakarhini tharunga gna mana na ka narane gna noda Lord na.

Luku 17:12

Mana mei ne posa ka kaisei namono ikoi jare. Eghuteuna, nabotho mae te thubu biꞌo ka khabru te kiloi leprosi, ne mei ka mana. Mare ne theome mei namo ka mae Jisas, naugna mare ne kafe au tadi khabru te thono diꞌa fara igne.

Lamentations 1:8

Jerusalem gne jateula gaꞌase te gnognoro fara ra eghu, eghume naꞌa theome gae ka tathagna God na. Naꞌa soesole kolho, eghuteuna naiknore thofno cheke faparini naꞌa. Naꞌa pophoru tathagna re balu diꞌanagnafa nei tanhi, naugna naꞌa ne mamaja nogna fara.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Proveb 30:12

Keha maere ne doglo eghu ka gaoghathodire, nu mare theome thofno snagla ka nakhibo.

Levitikas 13:47

“Aonu jame kaisei nabubla au ka pohe ba ka kaisei glepo te mala ei pohe ghotilo, ghotilo atha mei glepo igne mala filoni mae pris. Ghotilo fakakhana glepo igne ka mae pris neuba mare neke horo ka wul ba ka ghajo te kiloni flaks ba ka guli sipu. Eghuteuna jame kalagna nabubla igne figri ke kakarha, ba ukru, glahu kaisei glepo diꞌa tangomana te luti ka pohe igne, eghume ghotilo fakakhana nabubla igne ka mae pris.

Levitikas 14:3

eghuteuna pris mala jifla ka vido te au ghotilo tagna na, eghuteuna mana mala tei filoni mana te au teu kosi na. Ka vido tuana pris mala fifilo fakeli ka thini gna mana na. Jame fogra diꞌa ka thinigna mana igne la mafohi,

Levitikas 23:29

Jame ihei te huhughu te ghamu ka narane biꞌo igne na, ghotilo mala lisei fadelei ka nogu naikno iara re.

Fapea Samuel 3:29

Papara eigna glepo igne mala thokeni mae Joab, nei vikegna kmagna mana re eghu kolho. Puhi biꞌo igne ginauna thokedi fabrahu iheire nate karha mei ka vikegna mae Joab igre: Keha ginauna au khabru diꞌa ka mamajadi mae nalhaꞌure, keha ginauna leprosi, keha ginauna blughu, keha ginauna lehe ka magra, eghuteuna keha ginauna theome naba gano te mala ghamu na.”

Lamentations 4:15

Naiknore ne eha eghu fabiꞌo ka mare, “Tei nomi delei! Ghotilo thosei habo ghami ghehati! Ghotilo theome gae ka tathagna God na!” Eghuteuna kate rikha tafri mare na, naiknodi keha kantri igre ne cheke eghu ka mare, “Mare theome tangomana te au balumi ghehati agne na!”