Levitikas 11:8 - Buka Blahi Ka Cheke Holo

⁸ Ghotilo thosei ghamu nafnahidi re, eghuteuna jame te lehe reꞌe na, ghotilo jaola thosei habo tadi. Glepo tautagu igre theome klino ka tathagu iara na.

Levitikas 11:8 ပူးပေါင်းရင်းမြစ်များ

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Kolose 2:16

Eghume, thosei snakreni kaisei naikno mala lilisei kaisei vetula ranghi ghami eidi gano nei khoꞌu ba narane Sabat ba gaghamu eigna glaba majaghani ba keha narane tuthuana teu are.

Profet Hosia 9:3

Eghuteuna ghotilo ginauna na theome au ka nogna namono Lord igne. Ghotilo ginauna mala ke tei sosolo fapulo ka kantri Ijep, nei jaola mala ke tei sosolo ka kantri Asiria. Aonu kate tei au teu ka kantri igre, ghotilo ginauna nake ima gano mala thosei ima teku God ra.

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Levitikas 5:2

“Jame kaisei mae tafini thinigna glepo tautagu tela lehehi te theome gae ka tathagu iara na, nu theome laseni teuna, igne te fathonani mana ka tathagu iara na eghuteuna mana nabagna te papara eigna na.

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Efesus 5:7

Eghume ghotilo thosei fofodu baludi nafnata naikno igre.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Ululahu Korin 8:8

Nu gano na theo nogna nolaghi te mala hata gita te ari namo ka God na. Jame te tiroda ima tahati na, tahati theome au khaba ka God. Eghuteuna neubane ima tahati nafnata gano igne, gano tuana theome mala fakeli ghita ke ulugna God.

Letas Teke Riso Tei Mae Pol Ka Khiloau Rom 14:21

Te keli na thosei ima nafnahi nei thosei koꞌu waen nei thosei eni kaisei glepo te tangomana te fadiꞌani nogna fatutuani kaisei kherami fofodu ka khiloau gne.

Mae Khuru 10:28

Mae Pita ne cheke eghu, “Uve, kheraguro, ghotilo lasenihi, thono blahi fara ka nomi vetula ghehati mae Jiure te sighoni ba te fofodu ka ihei te theome Jiu na. Nu God neke falalase ghau iara mala thosei chekeni iara ka ihei te thona ke ulugna God ba ihei te theome naba mala fofodu ka God.

Nonomho Te Keli Teke Risoi Mae Mak 7:18

Mae Jisas ne cheke eghu ka mare, “Tore, theome glolau ngala ka ghotilo sia? Uve, gano te ghamu naikno na, theome mala fathonani mana sia.

Nonomho Te Keli Teke Risoi Mae Mak 7:15

Glepo te funu ke kosi te ruma ka foflogna naikno na theome fathonani mana. Nu unha te jifla mei ka foflogna naikno na tuana te tangomana te fathonani mana na.

Nonomho Te Keli Teke Risoi Mae Mak 7:2

Mare ne filodi keha nogna mae fanomho mae Jisas te ghamu gano ka khame te theome gae re. Theome gae teu igne, gaoghathogna na mare theome titihi khamedire leghuni vetula te magnahagheni mae Farasi gre.

Matiu 15:20

Igre glepo te fathonani naikno na ke ulugna God. Eghume nafnata kastom mala kulu titihi fakeli khame ame ghamu nga teu igne, theome tangomana te mala fathonani naikno na.”

Matiu 15:11

Unha te nhaꞌa lao ka foflo na theome tangomana te fathonani kaisei mae. Nu unha te chekedi nei ghathodi teu mana ka nagnafagnare te fathonani mana ke ulugna God na.”

Levitikas 11:7

Eghuteuna bosu na, neuba thatablagna na ne fnota pea, nu ghotilo thosei ghamu, naugna ne theome ghamu buburu jateula buluka neu. Blahi te ghamu ghotilo na, naugna ne theome klino ka tathagu iara na.

Levitikas 11:9

“Glepo karha te au ka khoꞌu ba ka thongna teu au thingodi nei khapudi teu igre ghotilo tangomana te ghamu na.