Levitikas 11:44 - Buka Blahi Ka Cheke Holo

⁴⁴ Iara Lord nomi God ghotilo, eghume ghotilo mala klino ka tathagu iara na, eghuteuna ghotilo mala au blahi naugna iara au blahi. Eghume ghotilo thosei ghamu kaisei nafnata glepo tautagu igre nate fathona ghami ghotilo ka tathagu iara na.

Levitikas 11:44 ပူးပေါင်းရင်းမြစ်များ

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Levitikas 20:7

“Ghotilo lisei fadelei ghami themi mala blahi ke ulugu iara, naugna iara Lord, nomi God ghotilo.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.

Levitikas 20:26

Ghotilo mala au blahi naugna iara Lord, iara blahi, eghuteuna iara neke atha fajifla ghami ghotilo ka keha naiknore, mala nogu naikno iara.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Thakle 22:11

Eghume naikno te diꞌa puhidi gre, mare ginauna edi fabrahu glepo te diꞌa igre naugna narane te mala tughu nagnafa na la gnafahi. Jaola naikno te chara puhidire, mare ginauna jateula tuana eghu chara fabrahu. Nu naikno te doglo puhidire, mare ginauna au doglo fabrahu, eghuteuna naikno te au blahi puhidire, mare ginauna au blahi fabrahu.”

Nodi Khoje Hatimare Mae Jiu 99:9

Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Eksodas 23:25

Jame te pogho soru kolho ghotilo ka iara nomi Lord God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo.

Eksodas 19:6

iara ginauna fablahi ghami ghotilo mala nogu naikno gloku iara mala loku jateula nogu mae pris eghu iara.’ Igre nogu cheke iara te mala toutonudi iagho ka naiknodi Israel.”

Profet Isaia 43:3

Tutuani, iara Lord nomi God te Blahi ghotilo mae Israel, iara nate fakarhi ghami ghotilo na. Iara ginauna snakre lao kantri Ijep, Kus nei Seba teu igre ka khamedi nomi naoka ghotilore mala jateula teke foli fajifla ghami eghu ghotilo, mala tangomana ghotilo te snagla te jifla ka khamedi mare na.

Ululahu Samuel 6:20

Naiknodi Bet-Semes igre tanhi ne cheke eghu, “Lord na blahi fara! Tahati theome nabada te au rhegna Lord na. Tahati na hata tei aheva si Bokis Blahi ignea?”

Levitikas 11:43

Ghotilo thosei ghamu kaisei ka glepo tautagu igre. Jame te ghamu ghotilo na, ghotilo ginauna na theome klino ka tathagu iara na.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Profet Emos 3:3

Faꞌunha eghu jame te tei fodu phei mae, nu theome kulu roghe phia mare teuna?

Profet Isaia 51:15

Iara nomi Lord, nei nomi God ghotilo. Nanghagu iara na Lord, mae ihei te au nolaghi fateote'o. Iara neke cheke ranghidi nhorora nei galo teu igre mala oa'ongha fabiꞌo.

Eksodas 16:12

“Iara la nomhidihi te nguru ngau nogu naikno iara ra. Eghume iagho na cheke ka naikno are, fei grafi na naiknore ginau na ima nafnahi, eghuteuna fei hamerane na naiknore ginau na ima bret leghuni nihai te magnahagheni mare na. Kate ima te boho na naiknore ginau na laseni te Iara gne ngala te nodi Lord nei God teu mare na.”

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Eksodas 22:31

“Eghume ghotilo nogu naikno iara ra, ghotilo thosei ima nafnahi buluka ba sipu teke falelehe mata. Ghotilo atha mala faghamu khuma kolho.”

Levitikas 19:3

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.

Naba 15:40

Gnarho kmo'e igre mala ke ghathodi nei leghudi eghu ghotilo nogu farirhiu iara ra, eghuteuna ghotilo ginauna au jateula nogu naikno blahi iara eghu.

Eksodas 22:30

buluka nei sipu eghu teke kulu karha are eghu mala nogu iara. Sua buluka nei sipu teu are mala au ka idogna na naba fitu narane, eghuteuna ka fahana narane na ghotilo falelehe mala fafara ka iara.

Levitikas 19:4

“Ghotilo mala thosei lisa ghau iara mala tei tarai ka god teke horo kolho naikno ka aean, naugna iara Lord, nomi God ghotilo.

Levitikas 19:10

Eghuteuna ghotilo thosei ke figri ka nagare grep ghotilo ra mala ke salo sisi teke lilisei ghotilo ra, ba mala ke sene haghe sisi teke khoko ra. Ghotilo mala lisa lao glepo igre maladi iheire te kuma nei naikno phosa te au balumi ghotilo igre. Iara Lord, nomi God ghotilo.

Josua 24:19

Josua neke cheke faheta eghu ka vikegna Israel, “Jame te leghudi ghotilo keha god are na ghotilo ginauna theome nabami te mala leghuni Lord, naugna mana thono blahi fara, eghuteuna mana theome magnahaghei ghami ghotilo te tarai ka keha god delei. Eghume jame te leghudi ghotilo keha god delei are na mana ginauna na theome tangomana te hata fadelei nakhibomi ghotilo re.

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.