Levitikas 11:25 - Buka Blahi Ka Cheke Holo

²⁵ Ihei te pala kaisei glepo tautagu te theome klino teke lehe na mana mala titihi nogna pohe re, eghuteuna mana theome klino ka tathagu iara na ghilei rafi.

Levitikas 11:25 ပူးပေါင်းရင်းမြစ်များ

Naba 31:24

Eghuteuna ka fafitu narane na, ghotilo ginau wasi nomi pohere mala ke klino ghotilo ka tathagna Lord na, ame tangomana nga ghotilo teke jugru mei ka noda namono gne.”

Levitikas 15:5

Eghuteuna jame keha mae haboni sape tuana, ba gnokro ka unha teke gnokro mae tuana tagna na, te eghu na, mana titihi nogna pohe re eghuteuna mana apu, naugna mae tuana na theome klino ka tathagu iara na ghilei rafi.

Levitikas 14:8

“Ke leghu, mae igne mala titihi fagae nogna pohe re eghuteuna ghoighori khakla gnare, eghuteuna mana mala apu, eghuteuna kate edi mana glepo igre, mana ginauna klino ka tathagu iara na. Funu ka narane tuana, mana tangomana te mei lamna ka vido aheva te au ghotilo tagna na, nu mana theome tangomana te tei lamna ka nogna suga tapuale na. Mana mala thuru kosi ka nogna suga tapuale na ghilei thokedi fitu narane.

Levitikas 11:40

Ba jame kaisei mae ghamu nafnahigna kaisei glepo tautagu teke lehe thegna, mana mala titihi nogna pohe na, eghuteuna mana ginauna na theome klino ka tathagu iara na ghilei rafi. Eghuteuna jame ihei te pala glepo tautagu igne na, mana mala titihi nogna pohe na, eghuteuna mana ginauna na theome klino ka tathagu iara na ghilei rafi.

Naba 19:10

Eghuteuna mae ihei te salofodu nakrofudi buluka re, mana mala wasi nogna pohe re, nu mana ginauna theome klino ka tathagu iara na ghilei plulu naprai na. Ghotilo naiknomi Israel baludi naikno phosa te au balumi ghotilo ra, ghotilo mala leghuni vetula igne tifa tifa.”

Levitikas 16:28

Eghuteuna ke leghu, mare mala titihi nodi pohe re, nei apu fakeli eghu mala tangomana mare te mei lamna ka vido te au ghotilo tagna na.”

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 9:10

Naugna glepo te gnafa igre puhi eidi gano nei khoꞌu, ba nafnata puhi mala titihi igre maladi thini kolho. Eghuteuna vetula igre mala leghudi tahati ghilei thoke mei u narane God nate tughu ka nhaꞌa cheke te majaghani.

Mae Khuru 22:16

Eghume ofo unha sagho ia? Kegra haghe, kiloni nanghagna Lord nei apublahi eghu mala tihi kokodi God nakhibomure. Kate eni igne, fatutuani ni mana nate fakarhi nigho na.’

Jone 13:8

Mae Pita ne tirogna fara ne cheke eghu ka mae Jisas, “Lord, iagho theome tangomana te titihi ghahegu iara gre funu gognaro te haghe na.” Mae Jisas ne cheke eghu ka mana, “Uve, ghema Pita, te theome titihi iara ghahemu iagho re, iagho theome tangomana te kaisei mae nogu gloku iara na.”

Profet Sekaraea 13:1

“Ka narane tuana, iara ginauna tothora kaisei famane glokha khoꞌu, ranghini tharaknagna Devet nei naiknodi Jerusalem mala tangomana mare apu te klino ka tathagu iara na eidi nakhibodi re nei keha glepo te fathonadi mare.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Naba 19:19

Eghuteuna ka fatilo narane nei ka fafitu narane teuna, mae te klino na mala fuafusa khoꞌu blahi na ka mae te theome klino na, eghuteuna ka fafitu narane na mae igne na theome klino ka tathagu iara na ghilei rafi. Mana jaola mala wasi nogna pohe re, nei apu mala gae thinigna na.

Naba 19:8

Eghuteuna mae ihei teke gahu gna buluka igne, mana jaola mala wasi nogna pohe re nei apu eghu. Nu mana ginauna theome klino ka tathagu iara na ghilei plulu naprai na.

Levitikas 15:13

“Jame fogra tuana gnafa, eghuteuna glotho na jaola gnafa, te eghuna, mae tuana mana mala eghu au nabagna fitu narane, ke leghu mana mala titihi nogna pohe re nei mala apu ka khoꞌu glokha, nei mana ginauna nake klino ka tathagu iara na.

Levitikas 14:47

Eghuteuna ihei te thuru ba ghamu lamna ka suga igne, mana mala titihi nogna pohere.

Levitikas 11:28

Ihei te pala thinigna kaisei glepo te tautagu teke lehe na, mana mala titihi fagae nogna pohe na eghuteuna mana na theome klino ka tathagu iara na ghilei rafi.

Eksodas 19:14

Kate soru mae Moses funugna ka thogele igne, mana ne fablahidi naiknore, mala tangomana mare te pogho soru ka God. Eghuteuna naiknore ne titihi nodi pohere.

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Levitikas 11:24

“Jame kaisei naikno ka ghotilo haboni thinigna kaisei glepo tautagu te theome klino teke lehe na, mana ginauna theome klino ka tathagu iara na ghilei rafi.

Levitikas 11:26

Ghotilo lasedi keha nafnata glepo te tautagu igre theome klino ka tathagu iara na. Nafnata glepo te tautagu igre thatabladi re theome fnota pea, ba theome ghamu buburu jateula buluka eghu. Nafnata glepo te tautagu igre theome klino ka tathagu iara na eghuteuna jame ihei te haboni thinigna kaisei glepo te tautagu teke lehe na, mana ginauna jaola theome klino ka tathagu iara na.

Levitikas 13:6

Eghuteuna ka fafitu naranegna mana na, mae pris ginauna nake filoi ka mana, eghuteuna jame thubu igne ikoi theome tei tongana teuna, mae pris ginauna cheke hagheni te mae igne klino, naugna glepo igne kaisei thubu kolho. Nu mae igne mala titihi nogna pohere, mala klino ka tathagu iara na.

Levitikas 16:26

“Mae ihei teke vahini mare te mala hata te tei nanigot igne ka Asasel ka namono nagou na, mana mala titihi nogna pohere nei apu eghu ame tangomana nga mana teke figri ke lamnagna vido aheva te au ghotilo tagna na.

Levitikas 14:46

“Iagho laseni, ihei te tei lamna ka suga igne ka narane pris te bobotho igre, mana theome klino ka tathagu iara na, eghuteuna mana na theome klino ghilei rafi.

Levitikas 15:15

Eghuteuna pris aknu falehe kaisei nanghaji mala fafara mala ke doglo mae igne ka tathagu iara na, eghuteuna mana ke aknu falehe keha nanghaji na mala eni fafara te thofno krono na. Ka puhi igne, mae tuana tangomana teke klino ka tathagu iara na.

Levitikas 17:15

“Jame kaisei khulumono gna Israel ba mae phosa ghamu nafnahi glepo tautagu teke lehe thegna, ba neke kathu falehe khuma mhata, mae tuana mala titihi nogna pohe na, eghuteuna mana mala apu fakeli, mae igne ginauna theome klino ka tathagu iara na ghilei rafi. Nu ke leghu, mana ginauna klino ka tathagu iara na.

Levitikas 22:6

Jame pris na theome klino, mana na theome klino ghilei rafi, eghuteuna mana blahi te mala ghamu gano blahi re ka narane tuana. Kate plulu naprai na, mana ginauna mala apu mala ke klino, eghuteuna ke leghu, mana tangomana teke ghamu gano blahi na naugna ghegna vido gano mana.

Naba 19:7

Ke leghugna tuana, mana mala wasi nogna pohe re nei apu eghu, ame tangomana nga mana te jugru mei ka vido te au ghotilo na eghu. Nu mae pris igne ginauna theome klino ka tathagu iara na ghilei plulu naprai na.