Levitikas 11:24 - Buka Blahi Ka Cheke Holo

²⁴ “Jame kaisei naikno ka ghotilo haboni thinigna kaisei glepo tautagu te theome klino teke lehe na, mana ginauna theome klino ka tathagu iara na ghilei rafi.

Levitikas 11:24 ပူးပေါင်းရင်းမြစ်များ

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Kolose 2:20

Ghotilo jateula igne eghu, kate lehe mae Kraes na, ghotilo jaola lehe balugna mana. Eghuteuna mana neke fakarha ghami ghotilo ka nogna nolaghi nauthoglu. Ba, naugna unha si ghotilo te leghuni teu ngala nogna vetula nauthoglu te cheke eghu, “Ghotilo thosei loku ka glepo igne,” “Ghotilo thosei ghamu ana,” “Ghotilo thosei habo ka glepo ana” teu gnea?

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Ululahu Korin 15:33

Thosei snakredi naiknore mala chaghi ghami eigna karha fapulo na. Eigna ghotilo lasenihi u cheke igne, “Jame te kaisei ghotilo baludi naikno te diꞌare, mare ginauna fadidiꞌa puhimi ghotilo te kelire.”

Profet Isaia 22:14

Nu Lord mae ihei te au nolaghi fateote'o igne neke cheke eghu ka iara, “Iara ginauna na theome hata koko nakhibodi re. Nakhibo igne ginauna au fabrahu ka mare ghilei lehe baludi.” Igne chekegna Lord.

Levitikas 11:31

Jame ihei te haboni thinigna kaisei glepo te tautagu teke lehe na, mana ginauna na theome klino ka tathagu iara na ghilei rafi.

Levitikas 11:8

Ghotilo thosei ghamu nafnahidi re, eghuteuna jame te lehe reꞌe na, ghotilo jaola thosei habo tadi. Glepo tautagu igre theome klino ka tathagu iara na.

Levitikas 11:23

Nu keha momogo te lase flalo nei tagu ka ghahedi re teu igre ghotilo lasedi glepo igre thono diꞌa fara.

Levitikas 11:25

Ihei te pala kaisei glepo tautagu te theome klino teke lehe na mana mala titihi nogna pohe re, eghuteuna mana theome klino ka tathagu iara na ghilei rafi.

Levitikas 22:4

“Jame kaisei ka mae pris igre au fogra diꞌa ka thini, ba mana au fogra te jifla mei glotho ka mamaja gna na, pris igne theome klino ka tathagu iara na. Eghuteuna mana mala thosei ghamu kaisei vido ka gano blahi ghilei thokeni narane teke klino fapulo mana na. Eghuteuna jame kaisei pris haboni kaisei glepo te theome klino naugna mana neke haboni thini gna mae te lehe na, ba kholo gna mae pris igne jifla mei ka thini gna mana na,

Levitikas 5:2

“Jame kaisei mae tafini thinigna glepo tautagu tela lehehi te theome gae ka tathagu iara na, nu theome laseni teuna, igne te fathonani mana ka tathagu iara na eghuteuna mana nabagna te papara eigna na.

Levitikas 7:21

Jame kaisei mae ka ghotilo haboni kaisei glepo te theome klino ka tathagu iara na, neuba mana ne haboni glepo tautagu ba glepo te jifla mei ka thinigna nalhaꞌu ba gaꞌase, eghuteuna ke leghu mana ghamu nafnahigna fafara igne, te eghuna, ghotilo faꞌau kosini mana ka naiknodi Israel.”

Levitikas 14:46

“Iagho laseni, ihei te tei lamna ka suga igne ka narane pris te bobotho igre, mana theome klino ka tathagu iara na, eghuteuna mana na theome klino ghilei rafi.

Levitikas 15:5

Eghuteuna jame keha mae haboni sape tuana, ba gnokro ka unha teke gnokro mae tuana tagna na, te eghu na, mana titihi nogna pohe re eghuteuna mana apu, naugna mae tuana na theome klino ka tathagu iara na ghilei rafi.

Levitikas 15:7

“Jame keha mae na habo ka thinigna mae te au fogra tagna na, te eghuna, mana mala titihi nogna pohe re eghuteuna mana apu, eghuteuna mae tuana na jaola theome klino ka tathagu iara na ghilei rafi.

Levitikas 15:8

“Jame mae ihei te au fogra tuana kmisu ka keha mae ihei te klino ka tathagu iara na, te eghu na, keha mae tuana mala titihi nogna pohe re eghuteuna apu, eghuteuna mana jaola theome klino ka tathagu iara na ghilei rafi.

Levitikas 15:10

Jame kaisei naikno habo chea tuana, ba thotoku gna chea teke gnokro mana tagna tuana, ba mana pala kaisei glepo jateula tuana eghu, te eghu na, mana mala titihi nogna pohe re eghuteuna mana apu, mae tuana jaola theome klino ka tathagu iara na ghilei rafi.

Levitikas 15:11

“Jame mae ihei au fogra tuana theome titihi khame gna na, nu mana habo ka keha mae na, te eghu na, keha mae tuana mana mala titihi nogna pohe re eghuteuna mana apu, mana na theome klino ka tathagu iara na ghilei rafi.

Levitikas 15:15

Eghuteuna pris aknu falehe kaisei nanghaji mala fafara mala ke doglo mae igne ka tathagu iara na, eghuteuna mana ke aknu falehe keha nanghaji na mala eni fafara te thofno krono na. Ka puhi igne, mae tuana tangomana teke klino ka tathagu iara na.

Levitikas 15:21

Eghuteuna jame kaisei naikno habo ka sape gna gaꞌase tuana, ba kaisei glepo teke gnokro gaꞌase igne tagna na, naikno tuana mala titihi nogna pohe re, eghuteuna naikno tuana mala apu, eghuteuna naikno tuana na theome klino ghilei rafi.

Levitikas 15:27

Eghuteuna jame kaisei mae ba gaꞌase habo ka glepo igre, naikno igne na jaola theome klino ka tathagu iara na, eghuteuna naikno tuana mala titihi nogna pohe re nei apu, eghuteuna naikno igne na theome klino ka tathagu iara na ghilei rafi.

Levitikas 16:26

“Mae ihei teke vahini mare te mala hata te tei nanigot igne ka Asasel ka namono nagou na, mana mala titihi nogna pohere nei apu eghu ame tangomana nga mana teke figri ke lamnagna vido aheva te au ghotilo tagna na.

Levitikas 16:28

Eghuteuna ke leghu, mare mala titihi nodi pohe re, nei apu fakeli eghu mala tangomana mare te mei lamna ka vido te au ghotilo tagna na.”

Levitikas 22:5

ba mana haboni kaisei glepo tautagu te theome klino ka tathagu iara na, ba mana haboni mae te theome klino, te eghu na, pris igne jaola theome klino ka tathagu iara na.

Levitikas 22:6

Jame pris na theome klino, mana na theome klino ghilei rafi, eghuteuna mana blahi te mala ghamu gano blahi re ka narane tuana. Kate plulu naprai na, mana ginauna mala apu mala ke klino, eghuteuna ke leghu, mana tangomana teke ghamu gano blahi na naugna ghegna vido gano mana.

Naba 19:7

Ke leghugna tuana, mana mala wasi nogna pohe re nei apu eghu, ame tangomana nga mana te jugru mei ka vido te au ghotilo na eghu. Nu mae pris igne ginauna theome klino ka tathagu iara na ghilei plulu naprai na.