Levitikas 11:20 - Buka Blahi Ka Cheke Holo

²⁰ “Ghotilo thosei ghamu nafnata momogo te lase flalo nei lase tagu ka ghahedi re teu igre, ghotilo lasedi glepo igre thono diꞌa fara.

Levitikas 11:20 ပူးပေါင်းရင်းမြစ်များ

Letas Teke Rioriso Mae Jud 1:19

Igre mae iheire te mala paꞌeni khiloau na. Naugna mae igre leghudi kolho nodi gaoghatho thedire, eghuteuna mae Tharunga te Blahi na theome au ka mare.

Letas Teke Rioriso Mae Jud 1:10

Nu mae velepuhi chaichaghi igre cheke fadiꞌadi unha glepo te theome lasedire. Mare mae glalase fara, nu unha te lase fakelini mare jateula glepo te laseni ngala khuma ba bosu teu, tuana ngala te eni mare na. Nafnata puhi te edi mare tuare ginauna roꞌedi kolho thedi.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Diutronomi 14:19

“Keha nanghaji te au baghidi te tagu pari ke kligna glose igre theome gae ka tathagna Lord, eghuteuna blahi te mala ghamu ghotilo na.

Levitikas 11:27

Ghotilo lasedi nafnata glepo te tautagu te theome fnota pea thatabladi re te jateula khuma teu igre theome klino ka tathagu iara na. Nafnata glepo te tautagu igre theome klino ka tathagu iara na eghuteuna jame ihei te haboni thinigna kaisei glepo te tautagu te lehe na. Mana ginauna jaola theome klino ghilei rafi.

Levitikas 11:23

Nu keha momogo te lase flalo nei tagu ka ghahedi re teu igre ghotilo lasedi glepo igre thono diꞌa fara.

Mae Khuru 10:14

Nu mae Pita ne cheke eghu, “Theo, Lord! Iara theome tangomana te imadi glepo te thona ke ulumu nei theome naba mala ima teure.”

Levitikas 11:21

Nu keha nafnata momogo te lase ghasa tafri igre klino ka tathagu iara na. Nafnata cheche nei khupo teu igre te tangomana te ghamu ghotilo na.