Levitikas 11:10 - Buka Blahi Ka Cheke Holo

¹⁰ Nu ghotilo thosei ghamu glepo te au lamna khoꞌu ba lamna thongna te theome au thingodi nei khapudi teu are.

Levitikas 11:10 ပူးပေါင်းရင်းမြစ်များ

Proveb 29:27

Naikno te doglore theome magnahaghedi naikno te diꞌare. Eghuteuna naikno te diꞌare theome magnahaghedi naikno te doglore.

Levitikas 7:18

Jame nafnahi na au ghilei posani fatilo narane gna, eghuteuna ghamu kaisei mae teuna, iara ginauna theome kelitagu ka mae te eni fafara igne. Eghuteuna iara ginauna theome tangomana nate ghathoni te fafara na kaisei glepo keli malagna mae igne. Fafara igne jateula kaisei glepo diꞌa eghu ka tathagu iara na. Eghuteuna mae te ghamu nafnahi igne, mana tapla jafra ka nakhibo eghuteuna mana nabagna te papara eigna.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Diutronomi 14:3

Aonu mae Moses ne cheke eghu, “Ghotilo thosei ghamu kaisei gano te thono diꞌa fara.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Jenesis 1:20

Aonu God ne cheke eghu, “Thongna gne mala fodu ka thua nafnata glepo te karha. Eghuteuna nanghaji gre mala flalo tafri ka maloa gne eghu.”

Levitikas 11:9

“Glepo karha te au ka khoꞌu ba ka thongna teu au thingodi nei khapudi teu igre ghotilo tangomana te ghamu na.

Levitikas 11:11

Nafnata glepo igre thono theome keli nei theome klino eghu ka tathagu iara Lord na, eghuteuna ghotilo thosei habo ka thinidi tela lehehi re.

Diutronomi 14:10

Blahi te ghamu ghotilo glepo te karha te au ke lamna thongna te theome au sekudi nei khapudi teu are, naugna theome gae ka tathagna Lord.