Levitikas 10:14 - Buka Blahi Ka Cheke Holo

^14-15 Nu babangogna nei grege ghahe fei nhetagna eghu glepo tautagu teke pala iagho teke tusu lao ka Lord baludi garofadi teu fafara blahi igne, nafnahi igre ghemi ghotilo. Ghotilo baludi thumi nalhaꞌu nei thumi gaꞌase teu ghotilo are, ghotilo te gnafa na tangomana te ghamu na. Eghuteuna ghotilo mala ghamu nafnahi igre ka vido te klino ka tathagna Lord. Nafnahi teke jifla mei ka glepo blahi gna fafara te mala laseni mare te au fakeli balugna Lord, nafnahi igne malami ghotilo fabrahu nei vikemi ghotilo are, jateula teke chekeni Lord igne eghu.”

Levitikas 10:14 ပူးပေါင်းရင်းမြစ်များ

Naba 18:11

“Keha nafnata fafara te ginau tufa mei naikno gre ka iara na, tuare jaola nou iagho. Iara ginauna tufa ari glepo tuare ka iagho baludi thumu nalhaꞌu nei thumu gaꞌase teu iaghore. Eghuteuna iheire te klino ka tathagu iara te au ka sugamu iagho are kolho te tangomana ima na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Eksodas 29:33

Mare thedi ngala te mala ima na gano teke fafara mei iagho ka iara te mala atha fadelei nakhibodire, kani teke taofi pris di iagho ra. Theo ihei nga te tangomana te ima na ka fafara igne na, naugna gano igne blahi.

Levitikas 10:13

Ghotilo mala ghamu ka kaisei vido blahi, naugna nogna glepo blahi Lord teke tusu ari ka ghotilo. Cheke igne, Lord teke cheke ka iara na mala cheke ka ghotilo.

Naba 5:9

“Eghume nodi glepo naiknodi Israel mala fafara te atha te mei ka mae pris igre, tuare nodi mae pris.

Profet Esikiel 42:13

Mae igne neke cheke eghu ka iara, “Phei suga igre blahi, naugna vido aheva mae pris te mala mei te namo ka Lord te mala fafara, nei tangomana te ghamu vido gano teke fafara te thono blahi fara te maladi mae pris kolho. Jaola ka vido igne hatimare mae pris te lilisei unha teke hata teke mei naiknore, jateula ngau flaoa teke edi ka wit te thofno keli fara, nei fafara te mala doglo naiknore ka tathagna Lord, nei fafara mala poloru.

Levitikas 22:13

Jame mae tuana koko khetogna na ba mana lehe, eghuteuna naꞌa theo thugna. Jame teke pulo mei naꞌa ka sugagna kmagna na mala ke au jateula ame tolaghi nga teku ia, naꞌa tangomana teke ghamu gano blahi kmagna na. Nu ihei te theome tharakna gna pris na theome tangomana te ghamu gano blahi na.