Levitikas 10:12 - Buka Blahi Ka Cheke Holo

¹² Aonu mae Moses ne cheke ka mae Eron nei ka phei thugna mana mae Eleasa ghe mae Itama, phei thugna mana te karha nga teu, mana ne cheke eghu, “Kate atha te mei naiknore flaoa teke eni ka famane wit na, ghotilo tangomana te atha flaoa blahi te theome krono igne mala ei bret te theo isi gna. Eghuteuna leuleghu fata na, ghotilo ghamu bret igne rhegna olta kolho, naugna blahi fara.

Levitikas 10:12 ပူးပေါင်းရင်းမြစ်များ

Levitikas 21:22

Nu mana tangomana te ghamu vidodi fafara te mala ghedi mae pris, neuba vido gna fafara igne ne blahi, ba thono blahi fara.

Profet Esikiel 44:29

Naiknore hata mei gano ka mae pris, igne jateula kaisei fafara eghu ka iara. Uve, flaoa ka famane wit te fafara te mala doglo ka tathagu iara na, nei fafara mala poloru teu igre ngala gano te mala nodi mare na. Eghuteuna gobigna lepo teke fablahi mare teke tusu mei ka iara Lord, igre jaola nodi mare.

Levitikas 7:9

Eghuteuna mare eni flaoa ka famane wit, neubane unha nafnata kuki bret te eni mare na, igne malagna mae pris mala famei ka iara.

Eksodas 29:2

Eghuteuna iagho atha flaoa teke horo mare ka famane wit mala edi thilo nafnata bret te theo isi tagna. Kaisei nafnata na iagho tetego jateula te edi ghotilo ra eghu. Keha nafnata na, iagho mala nhaꞌa lao oliv oel tagna ame tetego nga teu ghotilo ra. Eghuteuna fatilo nafnata na, iagho mala edi keha bisket, eghuteuna ke leghu kate muitahi reꞌe na, iagho ghiha oel tadi.

Eksodas 6:23

Eron neke tolaghi ka Eliseba thugna gaꞌase Aminadab greghagna Nason. Eghuteuna Eron ghe Eliseba ne au fati thudi nalhaꞌu, Nadab, Abihu, Eleasa, nei Itama.

Levitikas 10:13

Ghotilo mala ghamu ka kaisei vido blahi, naugna nogna glepo blahi Lord teke tusu ari ka ghotilo. Cheke igne, Lord teke cheke ka iara na mala cheke ka ghotilo.

Naba 3:2

Mae Eron gne au fati thugna nalhaꞌu, nanghadi fati thugna mana re igre: Nadab teke kulu karha na, eghuteuna Abihu, nei Eleasa nei mae Itama.

Eksodas 29:33

Mare thedi ngala te mala ima na gano teke fafara mei iagho ka iara te mala atha fadelei nakhibodire, kani teke taofi pris di iagho ra. Theo ihei nga te tangomana te ima na ka fafara igne na, naugna gano igne blahi.

Levitikas 24:9

Bret igre ghegna pris biꞌo baludi tharakna gna mana re. Bret igne ghedi mare fabrahu. Eghuteuna mare ghamu lamna ka vido aheva te blahi na naugna kaisei baludi glepo blahi te famei ka iara Lord.”

Fapea Kronikols 31:14

Eghuteuna kaisei mae Livaet nanghagna na Kore, thugna Imna, mana te reireghini grengatha gna Sugablahi fei ke maghati na. Mare jaola vahini mae Kore mala hata thufa teke tusu ranghini God naiknore, leghuni nodi magnahaghei thedi na. Eghuteuna mana jaola tufa gano igre ka hatimare mae pris nei hatimare mae Livaet.