Levitikas 1:14 - Buka Blahi Ka Cheke Holo

¹⁴ “Jame kaisei mae ka ghotilo magnahaghei te fafara kaisei nanghaji te krono fara, mana mala atha mei kaisei thukmu ba kaisei balhu.

Levitikas 1:14 ပူးပေါင်းရင်းမြစ်များ

Luku 2:24

Josep ghe Meri jaola ne tei mala fafara jateula te eghu ka nogna vetula God na, “Ghotilo hata mei phei balhu ba phei thukmu.”

Levitikas 5:7

“Jame kaisei mae kuma eghuteuna mana ninhigrana ranghini te atha te mei kaisei sipu ba kaisei nanigot ka iara, mana tangomana te atha te mei phei balhu ba phei thukmu majaghani, mala eni kaisei fafara mala ke doglo mana, eghuteuna keha na mala eni fafara te thofno krono fara.

Levitikas 12:8

Jame gaꞌase igne kuma fara eghuteuna naꞌa theome tangomana te atha te mei sipu ikoi na, naꞌa tangomana te atha te mei phei balhu ba phei thukmu majaghani, keha na mala fafara te thofno krono na eghuteuna keha na mala doglo naꞌa ka tathagu iara na. Eghuteuna pris ginauna atha mei phei nanghaji igre mala fafara ka iara mala klino gaꞌase igne ka tathagu iara Lord na.”

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Jenesis 15:9

Lord ne cheke eghu ka mae Ebram, “Eni sagho unha te chekeni iara na. Iara ginauna falase arini ka iagho nate snakre arini iara vido glose igne ka iagho na. Hata mei ka iara kaisei buluka te thilo finogha gna, kaisei nanigot te thilo finogha gna, kaisei lam nalhaꞌu gna te thilo finogha gna, nei kaisei sua thukmu nei kaisei sua balhu eghu.”

Matiu 21:12

Mae Jisas ne tei ruma ka glalabagna Sugablahi na ne filodi naikno te foifoli ka vido tuana. Aonu, mana brue fajifladi ne gnafa naikno te foifoli nei sabiri teu jare igre. Mana fapogru nodi tevo mae te tutughu sileni te mala foli takis gna Sugablahi na nei nodi mala gnokro mae te sabiri balhu te mala fafara re.

Levitikas 5:10

Eghuteuna mae pris ginauna atha keha nanghaji na mala gahu fafara leghuni unha te chekeni ka vetula na. Ka puhi igne, mae pris tangomana te fafara te mala atha koko nakhibo gna mae igne eghuteuna iara ginauna atha fadelei nakhibogna mana na.

Levitikas 5:11

“Nu jame mana kuma fara, eghuteuna mana theome tangomana te atha te mei phei balhu ba phei sua thukmu, te eghuna mana tangomana te atha kaisei kilo ka famane flaoa mala fafara. Nu blahi te mala tofa oliv oel tagna na ba lilisei insens balugna naugna igne kaisei fafara mala ke doglo mana ka tathagu iara na.