Levitikas 1:1 - Buka Blahi Ka Cheke Holo

¹ Lord au neu ka Suga tapuale te Blahi aheva mare te mala thafoni mana na ne ehani mae Moses.

Levitikas 1:1 ပူးပေါင်းရင်းမြစ်များ

Eksodas 19:3

Mae Moses ne haghe ka thogele igne mala cheke balugna God. Aonu Lord ne cheke eghu ka mana, “Igne nogu cheke iara na mala tei cheke iagho ka naiknodi Israel vikegna mae Jekop ra.

Eksodas 25:22

Iara ginauna thafo nigho nei cheke balumu iagho eghu ke kligna gna bokis igne, farihoteidi phei engel igre. Iara ginauna mei thafo nigho ka vido igne, iara ginauna tusu ari nogu chekere ka iagho mala leghudi ghotilo naiknomi Israel.”

Eksodas 29:42

“Leuleghu fata na, ghotilo baludi iheire nate karha mei ke leghumi ghotilore ginauna edi phei fafara ka grengatha gna Suga Tapuale te Blahi te mala thafoni God. Eghuteuna ka vido igne, iara ginauna thafo ghami ghotilo, mala cheke balumu iagho.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Naba 7:89

Uve, leuleghu fata na mae Moses tei mala cheke balugna Lord ke lamnagna Suga tapuale te Blahi na, eghuteuna mana ne nomhini naoglagna Lord te cheke mei farihoteidi phei engel te toku tafru nogna Bokis Blahi Nhaꞌa Cheke Lord na.

Eksodas 39:32

Aonu, naiknodi Israel gre ne loku fahui gloku ka Suga Tapuale te Blahi te mala Thafoni God, eghuteuna mare edi gobigna lepo igre thofno leghuni unha teke chekeni Lord ka Moses.

Eksodas 33:7

Leuleghu fata na naiknodi Israel igre fakegra haghe nodi suga tapuale re ka kaisei vido, Moses atha kaisei suga tapuale neke fakegra haghe delei katha ka nodi vido naiknore. Mana kiloni suga tapuale igne, “Suga tapuale ikoi mala thafoni God,” eghuteuna ihei te magnahaghei hironi gaoghathogna Lord na, mana tei ka suga tapuale igne.

Eksodas 24:12

Ke leghugna igne, Lord ne cheke eghu ka mae Moses, “Iagho haghe ka thogele igne mala mei kegra rhegui iara. Iara ginauna tusu ari ka iagho phei thina tataba teke rioriso soru iara vetula ke klignadi igre mala tei iagho farirhiudi naikno ra.”

Levitikas 7:38

Vetula igre Lord neke tusu lao ka mae Moses ka namono nagou ka Thogele Sanai. Ka narane tuare mana neke cheke ka naiknodi Israel mala fafara nei pogho soruni eghu mana.

Levitikas 9:16

Eghuteuna mana atha ne mei kaisei buluka nalhaꞌugna nei kaisei sipu nalhaꞌugna teu igre, mala eni fafara te thofno krono fara na, eghuteuna mana ne eni fafara igne jateula teke chekeni Lord na neu.

Eksodas 3:4

Lord filoni te mei namo mae Moses, eghuteuna Lord ne kiloni mae Moses fari hoteigna khaꞌaghi igne, ne cheke eghu, “Moses! Moses!” Eghuteuna Moses ne cheke eghu, “Iara au teu ao.”

Eksodas 40:29

Mana atha Olta mala Gahu Fafara na ne lilisei ke kosi ke ulugna gna grengatha gna Suga Tapuale te Blahi na. Eghuteuna mana ne gahu kaisei buluka ne fafara eghuteuna mana jaola ne gahu flaoa te ngigno balu oel, igne thofno leghuni unha teke chekeni Lord.

Naba 1:1

Ka fapea finogha ke leghugna te jifla Ijep, Lord neke cheke ka mae Moses ke lamnagna Suga Thapuale te Blahi na ka namono nagou Sanai. Ka narane ululahu ka fapea nhigra ka finogha tuana, Lord neke cheke eghu ka mae Moses,

Diutronomi 27:6

Eghume ghotilo mala hata thina mata mala horo kaisei nogna olta Lord. Aonu ka olta tuana, ghotilo mala gahu fafara ka Lord.

Fapea Kings 16:13

Aonu mana ne fafara sipu te gahu te krono ka khaꞌaghi balu wit nei waen. Eghuteuna mana hata dadara gna fafara igne fagaglana gna mana te au ka pharikeli balugna Lord, eghuteuna mana ne toatofa dadara igne ke kligna olta.

Fapea Kronikols 29:32

Ka puhi igne, mare ne hata fitusalei buluka nalhaꞌudi, nei kaisei gobi sipu nalhaꞌudi, nei phia gobi sua sipu nalhaꞌudi mala fafara mare ka Lord te thofno krono fara.