Lamentations 5:8 - Buka Blahi Ka Cheke Holo

⁸ Mae gloku kolho te funei fruni ghami ghehati na, eghuteuna theo kaisei naikno te tangomana te hata fajifla ghami ka nodi nolaghi mare na.

Lamentations 5:8 ပူးပေါင်းရင်းမြစ်များ

Profet Sekaraea 11:6

Iara magnahaghei nigho iagho te eni glepo igne, naugna iara ginauna theome ke kokhonidi naikno gna vido igne. Iara ginauna tusu lao gaoghatho te diꞌa ka mare mala goigonidi kheradire, eghuteuna iara liliseidi mae igre ke paridi nodi nolaghi nodi mae lida re. Mare ginauna goigoni glose igne, eghuteuna iara ginauna na theome fakarhini kaisei ka mare eigna puhi biꞌo igne.”

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Nodi Khoje Hatimare Mae Jiu 7:2

Jame te theo iagho na, mare ginauna na jateula lion eghu pala ghau tei ka vido aheva te theo kaisei naikno te mala fakarhi ghau iara na. Ka vido tuana mare ginauna na kina sasakani u thinigu iara na.

Profet Hosia 2:10

Uve, iara ginauna mei hata koko pohe te pipichi naꞌa tuare ke uludi iheire te tei koba naꞌa baludi are. Eghuteuna theo kaisei naikno nate fakarhini naꞌa ka khamegu iara na.

Profet Isaia 43:13

Uve, iara God mae ihei te au fabrahu funu tifa na. Theo kaisei naikno te rikhani nogu nolaghi iara na, eghuteuna theo kaisei naikno nate tughu glepo teke edi iara re.” Igne chekegna Lord.

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Thoutonu Eigna Mae Job 10:7

Iagho lasenihi te theome eni iara kaisei glepo te diꞌa na. Eghuteuna iagho jaola laseni te theo kaisei naikno te tangomana nate fakarhi ghau iara ka nou nolaghi iagho na.

Thoutonu Eigna Mae Job 5:4

Thugna mana re theome au fakeli. Eghuteuna theo kaisei naikno te toghodi ka fate na.

Nehemaea 2:19

Nu kate nomhini mae Sanbalat maegna Bet-Horon, nei mae Tobaea maegna Amon, nei mae Gesem maegna Arebia eigna glepo igne, thilo mae igre maꞌe ghami ghehati fara ne cheke eghu, “Ei! Unha site ghathoni mala eni teu ghotilo gnea? Ba, ghotilo magnahaghei te magra ka king sia?”

Diutronomi 28:43

“Naikno phosa te au balumi ghotilo are ginauna nheta e nheta, nu ghotilo ginauna na nigra e nigra.

Jenesis 9:25

mae Noa ne cheke eghu, “Iara ginauna toreni God mala tibrini mae Kenan, thugna mae Ham! Mana ginauna mala nodi mae sneka kolho ka mae kheragna re.”