Lamentations 5:7 - Buka Blahi Ka Cheke Holo

⁷ Kuꞌemi ghehati tifa ra neke tapla jafra ka nakhibo, nu la kafe lehehi eghu, eghuteuna gognarona ghehati papara fara eidi nakhibodi mare igre.

Lamentations 5:7 ပူးပေါင်းရင်းမြစ်များ

Profet Jeremaea 31:29

“Eghuteuna, ka narane igne naiknore ginauna na theome cheke eghu: “ ‘Idoda kmada ra neke ghamu sisi grep te theome muita. Nu grahagna na theome khoko ka foflodi gradire.’

Profet Jeremaea 16:12

Nu ghotilo thofno salaꞌudi fara kuꞌemi tifa ra kate edi ghotilo thua nafnata puhi te diꞌare. Ghotilo te gnafa na kafe maku fara nagnafamire, eghuteuna puhimi ghotilore thofno diꞌa fara salaꞌui, eghuteuna theome leghu ghau iara.

Profet Esikiel 18:2

“Ghotilo naiknomi Israel gre magnahagheni fara te chekeni koba cheke naba igne: “ ‘Kuꞌedara neke ghamu fuꞌa gaju grep te theome muita re, nu raha kolho ka foflodi gradire.’

Profet Jeremaea 14:20

Lord, ghehati baludi kuꞌemi ra, ghehati edi kmana nakhibo ka tathamu iagho na.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Profet Jeremaea 31:15

Lord ne cheke eghu, “Kaisei naogla ne nomhi laoni namono Rama. Naogla natanhi nei khoje diꞌanagnafa. Resel tanhidi thugnare. Eghuteuna ninhigrana ranghini kaisei naikno te fameomegoni naꞌa na, naugna ne dofidi thugnare.”

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Profet Sekaraea 1:5

Kuꞌemi ghotilo ra, mare la lehehi. Eghuteuna mae profet igre, gognarona theo kaisei ka mare te karha na.

Thoutonu Eigna Mae Job 7:21

Naugna unha sagho te theome hata fadelei nei ghatho ihodi eghu nakhibogu iara grea? Iara ginauna na theome raugha na soru pari ke lamna beku. Eghuteuna neuba iagho ne hiro ghau iara, iara ginauna tei dofi ghau.”

Thoutonu Eigna Mae Job 7:8

Iagho filo ghau iara gognarona, nu iagho ginauna theome raugha na hiro ghau iara. Nu iagho ginauna theome tangomana te dei ghau iara na naugna iara ginauna tei dofi ghau.

Jenesis 42:13

Hatimare ne cheke eghu ka mana, “Mae funei, theo. Ghehati gne neke nabotho phei mae thabusigna neke karha ka kaisei mae kmami kolho ka kantri Kenan. Mae teke karha leghu lahu ka ghehati na mana gognaro na au balugna mae kmami ghehati na. Eghuteuna kaisei mae thabusimi ghehati na la tei la dofinihi tifa.”

Naba 14:18

Tifa na, iagho neke nhaꞌa cheke eghu, ‘Iara ngala Lord na, eghuteuna iara theome tangomana te ghosei diꞌatagu na. Leuleghu fata na iara ghatho tahudi koba nogu naiknore. Iara ginauna atha fadelei nakhibodi nei puhi te diꞌa teu ka nogu naiknore. Nu iheire naikno te edi glepo te diꞌare, iara ginauna paradi mare baludi thudi, gradi, fapea gradi, nei fatilo gradi teu te ginau karha mei ke leghudi mare re.’

Profet Jeremaea 16:11

Aonu iagho ginauna na cheke eghu ka mare, ‘Lord na neke cheke eghu: Kuꞌemi ghotilo tifa ra, mare neke figri tagru ghau iara, eghuteuna mare neke leghudi god te chaichaghi re neke pogho soru tadi. Uve, mare neke figri tagru ghau iara neke tirodi leghuni chekegu iara na.

Profet Esikiel 16:58

Uve, iagho ginauna mala papara fabrahu eidi puhimu iagho te diꞌa re, nei glepo te thono diꞌa fara te edi fabrahu iagho are eghu. Igne nogu cheke iara Lord.”