Lamentations 5:5 - Buka Blahi Ka Cheke Holo

⁵ Mae naoka gre para ghami ghehati, eghuteuna ghehati theome gnafa ka gloku na babaꞌo fara.

Lamentations 5:5 ပူးပေါင်းရင်းမြစ်များ

Lamentations 1:14

“Nogu funei neke hata nakhibogu gre neke loku fodu. Nakhibo igre jateula glepo tahu te nhaꞌa mei ke klignadi fafragu iara ra eghu, eghume iara thofno glaꞌe soru fara. Mana lisa lao ghau iara ka khamedi nogu naokare, eghuteuna iara theome nheta te mala magra ka mare na.

Profet Jeremaea 28:14

Iara ginauna lisei soru naiknodi kantri igre ke parigna nogna nolaghi biꞌo King Nebukadnesa, king gna Babilonia te theo kaisei naikno nate kina lopini na. Eghuteuna iara ginauna na jaola chekedi glepo te tautagu ka namhata na are mala au ke parigna nogna nolaghi mana.’ ”

Profet Jeremaea 27:8

“ ‘Nu jame kaisei kantri ba kaisei king tirogna au ke parigna nogna nolaghi king Nebukadnesa, iara ginauna roꞌeni kantri igne. Iara ginauna kuruni king Nebukadnesa mala magra ka mare. Mare ginauna kmoꞌe ka gano, eghuteuna mare ginauna na thokedi fogra biꞌo. Ka puhi igne iara ginauna goigoni ni kantri ba king igne.

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.

Mae Khuru 15:10

Eghume gognaro na ghotilo magnahaghei te fariuriuni God ka puhi te nhaꞌa lao kaisei vetula te mala leghuni iheire te theome Jiu te ruma mei ka khiloau gre. Nu u vetula tuana mae kuꞌeda tifa ra ba tahati na theome tangomana te leghuni.

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Lamentations 4:19

Noda naoka tahati gre flalo jateula gaghata te flalo te soru te hata ghegna gano ra eghu. Mare ngolhi ghita ke kligna thogele, eghuteuna poru ka namono nagou mala loki ghita.

Profet Jeremaea 27:2

“Jeremaea, iagho atha kaisei vido thaba baludi phei nhugha mala horo kaisei glepo jateula glepo te mala lilisei ka grara gna buluka ra eghu. Eghuteuna iagho lilisei glepo igne ka graramu na.

Profet Jeremaea 51:58

Lord mae ihei te au nolaghi fateote'o igne ne cheke eghu, “Gringni biꞌogna namono te maku fara igne ginauna phaꞌe grofo soru pari. Eghuteuna baragna namono te haghe fara kligna igne ginauna gnhubra ka khaꞌaghi. Naiknodi kantri te gnafa teke uludi ghotilo naiknomi Israel igre na loku heta fara na ghilei glaꞌe soru, nu mare na theome uluni kaisei glepo maladi thedi. Nu gobigna lepo teke babana mae Babilonia igre ginauna gnhubra ka khaꞌaghi!”

Profet Maeka 2:3

Nu igne unha te chekeni Lord na, “Iara ghaoghatho mala eni puhi biꞌo mala thoke ghami ghotilo, eghuteuna ghotilo ginauna theo kaisei nabrou te mala rikha na. Nu puhi biꞌo igne theome mala tangomana ghotilo te mala fahaehaghe ghami themi jateula te eni ghotilo gognaro na.

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.