Lamentations 5:2 - Buka Blahi Ka Cheke Holo

² Namono teke tusu mei iagho ka ghehati igre baludi nomi suga igre eghu gognarona au ka khamedi maedi delei te mei au ka nomi namono ghehati igre.

Lamentations 5:2 ပူးပေါင်းရင်းမြစ်များ

Profet Sefanaea 1:13

Hatimare mae naoka ginauna mei blau fahui nodi dedei naiknore, nei paꞌe soru nodi sugare. Eghume, neuba mare ne babana suga majaghani, mare na theome autadi. Neuba mare ne joꞌu nagare grep, mare ginauna theome koꞌu kaisei waen.”

Profet Isaia 1:7

Nomi naoka ghotilore la gnubrahi nomi namono ghotilore nei goigonihi nomi kantri ghotilore. Mare blau gano ka nomi nagare ghotilore kate filo teu kolho ghotilo na. Maedi ka keha namonoi te mei goigonidi gobigna lepo ka nomi kantri ghotilo igne.

Profet Esikiel 7:24

Iara ginauna snakredi mae te diꞌa puhidi ka keha kantri are mala mei hata nodi namono nogu naikno iara re. Eghuteuna mae te nheta fara te fahaehaghedi are, ginauna theo nodi nolaghi. Mae naoka ginauna fachara ka nodi vido mala tarai mare re.

Profet Esikiel 7:21

Iara ginauna snakredi naikno te diꞌa puhi ka keha kantri are mala mei hata nodi gobigna lepo te keli nogu naikno iara re, mala fatothona kolho mare.

Profet Jeremaea 6:12

Iara ginauna paradi naiknogna kantri igne, eghuteuna iara ginauna snakre lao nodi suga, nodi nagare nei khetodi teu mae igre ka hatimare mae naoka.

Profet Isaia 63:18

Ghehati nou naikno blahi iagho te au katha vido kmo'ei kolho ka nou vido blahi iagho igne. Nu mae naoka igre mei ngolhi fajifla ghami ka nomi namono re. Mare gognarona la mei goigonihi nou namono blahi iagho igne.

Profet Isaia 5:17

Ka narane tuana sipu nei nanigot ikoi teu igre ginauna mei ghamu buburu te keli ka vido te au namono tagna gognarogne.

Nodi Khoje Hatimare Mae Jiu 109:11

Jame te keli na naikno teke kaoni sileni mana tadire mei atha fateo gobigna lepo teke khotodi mana re. Jame te keli na hatimare mae phosa re mei blau fateo gobigna lepo teke loku eidi mana re.

Profet Jeremaea 17:4

Diꞌa tagu iara na ginauna brana fara jateula khaꞌaghi biꞌo eghu na gnubra ghami ghotilo. Naugna puhi te edi fabrahu ghotilo igre, ghotilo ginauna theome khotogna namono teke snakre lao iara ka mae kuꞌemi ghotilo tifa ra. Eghuteuna iara ginauna snakredi mae naokare mala atha ghami ghotilo tei ka namono aheva ghotilo te theome laseni mala loku jateula sneka eghu.”

Profet Hosia 8:7

“Puhi te diꞌa te eni mare igne jateula kaisei nuri ikoi eghu kolho. Eghuteuna unha nate thoke mei ka puhi igne na ginauna na roꞌedi mare jateula kaisei seseuru biꞌo te mei roꞌedi namono biꞌo ra eghu. Eghuteuna mare jateula nagare wit te theome ure te theo kaisei bret te mala ima ra neu. Neuba ne ure wit, keha kantri delei nate mei te ima na.

Profet Hosia 8:8

Naiknogna kantri Israel igne jateula naiknodi keha kantri delei ra eghu theome keli. Kantri igne jateula tapera thina te phosa te diꞌa ra eghu gognaro na.