Lamentations 5:19 - Buka Blahi Ka Cheke Holo

¹⁹ Nu iagho Lord, iagho king fabrahu tifa tifa.

Lamentations 5:19 ပူးပေါင်းရင်းမြစ်များ

Nodi Khoje Hatimare Mae Jiu 102:12

Nu iagho Lord God, iagho ginauna King fabrahu tifa e tifa. Eghuteuna iheire na teke karha mei ke leghure, ginauna ghatho nigho fabrahu.

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Nodi Khoje Hatimare Mae Jiu 145:13

Iaghou ngala mae King na, iagho mala funei fruni fabrahu tifa e tifa. Leuleghu fata na Lord na tajidi nogna nhaꞌa chekere nei ka gobigna lepo te edi mana re eghu mana falalase ka tahati te keli fara ranghi ghita na.

Nodi Khoje Hatimare Mae Jiu 9:7

Nu Lord na ginauna mala king fabrahu tifa e tifa. Mana la kulu gnokrohi ka nogna sape nafnakno na mala fatedi naiknore.

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.

Nodi Khoje Hatimare Mae Jiu 146:10

Lord ginauna funei fruni ghita tahati naiknoda Saion ra nei iheire nate karha mei thogheiro tifa tifa. Tahati cheke fakelini nanghagna Lord!

Nodi Khoje Hatimare Mae Jiu 90:2

Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Profet Daniel 7:14

Mae te au fabrahu funu tifa igne ne vahini mana mala mae king, eghuteuna tusu ranghini nolaghi nei nafnakno biꞌo. Eghuteuna naikno te au ka kantri te gnafa, kokholo te gnafa nei cheke te gnafa teu igre ginauna pogho soru ka mana. Eghuteuna nogna nolaghi mana te mala funei frunidi naiknore ginauna au fabrahu tifa tifa.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Nodi Khoje Hatimare Mae Jiu 10:16

God ginauna mala king fabrahu tifa e tifa. Mana ginauna na brue fadeleidi naikno bongihehe te au ka nauthoglu igne mala luvu fabrahu mare tifa e tifa.

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Jone 1:38

Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Nodi Khoje Hatimare Mae Jiu 93:2

Lord God, kani theome vuavuha nga teku iagho thua nafnotu fateote'o ka nauthoglu igne, iagho neke kulu King neku ngala. Iagho King fabrahu tifa tifa.