Lamentations 5:18 - Buka Blahi Ka Cheke Holo

¹⁸ Ghehati au diꞌanagnafa nei tanhi eghu fabrahu, naugna Thogele Saion na la vuhai namono nagou aheva khuma mata kolho te au jare na.

Lamentations 5:18 ပူးပေါင်းရင်းမြစ်များ

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Jeremaea 9:11

Lord ne cheke eghu, “Iara ginauna rorhoꞌe namono biꞌo Jerusalem mala nodi namono khuma mhata kolho. Namono te gnafa Juda igre ginauna krogha, eghuteuna theo kaisei naikno nate au ka namono igre.”

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Profet Jeremaea 26:9

Ba, ne keli eghu sagho cheke te diꞌa te edi iagho ka nanghagna Lord ignea? Eigna iagho theome tangomana te chekeni Sugablahi igne ginauna groꞌe jateula namono biꞌo Saelo tifa ia teuna. Iagho jaola theome naba te chekeni namono biꞌo igne ginauna groꞌe teuna, ba na theo kaisei naikno nate au na teuna!” Aonu naiknore ne kafe mei khapru faligohoni mae Jeremaea ke lamnagna nogna Sugablahi Lord na.

Profet Jeremaea 17:3

Ghotilo tei tarai fari hotei thogele ba fari hotei gukhu! Nakhibomi ghotilore au heva heva ka kantri igne, eghume iara ginauna snakre lao ka mae naoka nomi dedei nei nomi glepo te keli fateote'o baludi nomi vido blahi te mala tarai ghotilore.

Nehemaea 4:3

Aonu mae Tobaea mae biꞌogna Amon igne kegra haghe rhegna mana ne cheke eghu, “Gringni thina te loku mare tuana theome maku! Jame apla haghe kaisei sua khuma ikoi ke klignagna meuna, ginauna tangomanau kolho nate grofo na sana ia tore!”

Nodi Khoje Hatimare Mae Jiu 63:10

Mare ginauna lehe ka magra, eghuteuna khuma mhata ginauna ghamu thinidire.

Profet Daniel 9:17

“God, fanomho mei ka nogu tharai iara nou mae gloku gne. Iara tore nigho mala ke babana fapulo iagho nou Sugablahi gne mala laseni naiknore te iagho ngala Lord na.

Fapea Kings 25:9

Mana ne gnubra nogna Sugablahi Lord na, balugna nogna suga biꞌo king na, nei suga te gnafa Jerusalem. Mana goigoni fahui suga te ulu ke lamnagna namono biꞌo igne.

Profet Isaia 64:9

Lord, thosei diꞌatamu fara ka ghehati. Ghehati nou naikno iagho! Iagho kokhoni ghami nei atha kokodi eghu nakhibomi gre.

Profet Jeremaea 9:10

Eghume, iara mae Jeremaea. Iara thofno diꞌa nagnafagu fara eidi thogele nei namhata teu te goigoni fahui ghotilo igre. Iara tanhi nei koje balu diꞌanagnafa. Theo kaisei naikno nate nolo ka vido igne, ba kaisei buluka nate ghamu buburu ka namhata igne. Eghuteuna nanghaji te gnafa nei glepo tautagu te gnafa teu igre ginauna na jaola kafe tei kokoni vido igne.

Profet Jeremaea 44:2

Aonu profet ne cheke eghu, “Lord mae ihei te au nolaghi fateote'o nei nodi God maedi Israel teu igne, mana ne cheke eghu, Ghotilo filonihi puhi biꞌo te snakreni iara te thokeni Jerusalem nei ka keha nomi namono ghotilo ra. Gognarona, theo kaisei naikno te au ka namono, nei ka suga teu ra, eghuteuna gringni thina biꞌo ia la thono diꞌa farahi,

Profet Jeremaea 44:6

Naugna igne, iara falalase diꞌatagu na ka mare jateula khaꞌaghi ngaja te theo kaisei naikno te puri faleheni ra eghu. Iara neke goigoni namonodi Juda, nei nabrou te gnafa Jerusalem. Uve, glepo igre diꞌa fabrahu ghilei mei posa ka narane gognarogne.

Profet Esikiel 13:4

Ghotilo naiknomi Israel ra! Nomi profet ghotilo are jateula khuma mata te poru ke lamna gringni thina gna namono te phike te phaꞌe soru pari ra eghu. Mare theome tangomana te togho ghami ghotilo na.