Lamentations 5:16 - Buka Blahi Ka Cheke Holo

¹⁶ Glepo teke fahaehaghedi ghehati ra, gognarona theo nafudi kolho. Kokhoni ghami fara, naugna ghehati gne tapla jafra ka nakhibo!

Lamentations 5:16 ပူးပေါင်းရင်းမြစ်များ

Nodi Khoje Hatimare Mae Jiu 89:39

Iagho la theome leghunihi u nhaꞌa cheke teke eni iagho ka nou mae gloku gne. Iagho jateula te hata nogna khepi mana na te koko lao ka chopu ra eghu kolho.

Profet Jeremaea 13:18

Aonu Lord ne cheke eghu ka iara, “Iagho tei cheke eghu ka mae king ghe idogna, ‘Ghopa thosei gnokro ka nomi sape nafnakno re, naugna nomi khepi nafnakno ghopa re la theo nafudihi, eghuteuna ghopa theome tangomana te funei fruni ni kantri igne gognarona.’ ”

Thoutonu Eigna Mae Job 19:9

Mana hata koko nogu nafnakno iara na, eghuteuna mana la goigonihi famane nanghagu iara na.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Thakle 3:11

Iara ginauna theome raugha nake pulo mei ka ghotilo. Eghume, ghotilo mala loku faheta ka puhi te keli tela auhi ka ghotilo are, na eghunu mei keha naiknore me fanogra ghami te mala hatagna taba nate tusu ari iara tami na.

Profet Esikiel 21:26

Iara Lord God te cheke ranghi nigho iagho mala hata koko pohe ka phaꞌumu iagho ana balugna nogna khepi nafnakno king ana. Gobigna lepore ginauna tughu. Iheire te theo nodi nolaghi re ginauna kegra funei, eghuteuna iheire te kegra funei gognaro igre ginauna theo nodi nolaghi.

Lamentations 4:13

Nu naoka gre ne jugru lamna, naugna mae profet nei mae pris teu igre ne ei puhi te diꞌa ke lamnagna namono igne. Mae igre aknu falehe naikno te doglo re.

Lamentations 2:1

Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Lamentations 1:18

“Lord na thofno doglo fara, nu iara tirogu leghuni nogna Vetula mana na. Fanomho mei, ghotilo naiknogna nauthoglu igne! Filo mei ka puhi te au papara iara igne! Nogu mae majaghani nei gaꞌase majaghani teu iara ra, mae naoka gre la hata la tei kokodi nodi namono re, la tei au ka keha kantri delei!

Lamentations 1:8

Jerusalem gne jateula gaꞌase te gnognoro fara ra eghu, eghume naꞌa theome gae ka tathagna God na. Naꞌa soesole kolho, eghuteuna naiknore thofno cheke faparini naꞌa. Naꞌa pophoru tathagna re balu diꞌanagnafa nei tanhi, naugna naꞌa ne mamaja nogna fara.

Profet Jeremaea 4:18

Naꞌau papara igre thoke ghami ghotilo, naugna ghotilo ne edi puhi te diꞌare.” Igne chekegna Lord.

Profet Jeremaea 2:19

Ghotilo tei koko ghau iara, eghume iara ginauna na snakre ghami ghotilo mala tei au fakhaba ka iara mala eni fabrahu ghotilo puhi te diꞌa na. Eghuteuna ghotilo ginauna na au papara fabrahu jare. Naugna igne, ghotilo ginauna filo glani puhi te tei koko ghau iara na, nei theome ghatho tahu ghau iara teuna. Igne thofno puhi diꞌa fara, naugna igne, ghotilo ginauna au papara.” Igne chekegna Lord God mae ihei te au nolaghi fateote'o.

Profet Jeremaea 2:17

Ghotilo faꞌeiꞌei puhi ne thoke ghami themi. Kate batu ghami iara ka puhi te doglo na, ghotilo tiromi leghu ghau iara nomi God.

Proveb 14:34

Te leghuni naiknore puhi te doglo na, nanghagna nodi kantri na ginauna fnakno fara. Nu puhi te diꞌa na famamaja ikno fara.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Proveb 27:24

naugna glepo igre tangomana te mala mae dedei iagho na, nu dedei nei nafnakno teu igre theome tangomana te au raugha na.

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Profet Isaia 3:8

Puhi igne ginauna thoke mei tutuani ka naiknodi Jerusalem nei Juda, naugna nodi cheke nei nodi gloku teure faparini nei goigonini eghu Nanghagna Lord mae ihei te haghe fara. Mare edi koba puhi te diꞌa igre jateula naikno te thaviru tela ukahi pari ra eghu ka tathagna mana na.

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.

Lamentations 1:20

“Lord! Filo mei! Iara au papara fara! Iara diꞌanagnafagu fara, naugna iara ne figri tagru nigho iagho. Ke lamnagna nogu suga iara na, naiknore lehe, eghuteuna ke kosi na, naoka mei aknu falehe gnafa naiknore.

Profet Maeka 6:13

Eghuteuna naugna te tapla jafra fabrahu ghotilo gne, iara na goigoni fahui ghami ghotilo.