Lamentations 5:13 - Buka Blahi Ka Cheke Holo

¹³ Mare huhurudi mae majaghani re mala tugha thina biꞌo te mala ghorhu wit te mala ei flaoa re. Eghuteuna mae sitei re mala pala nanhiꞌo gaju te tahu fara mala gahu gano.

Lamentations 5:13 ပူးပေါင်းရင်းမြစ်များ

Jajis 16:21

Aonu maedi Filistia igre mei ne lokini mana ne bilo koko phei tathagna mana re. Mare ne hata tei mana Gasa. Ka namono igne, mare ne haruni mana ka chen biꞌo teke horo ka bras, nei liseini mana ka suga sosolo. Eghuteuna nogna gloku mana na mala figri thina biꞌo mala ghorhu wit mala ei flaoa.

Matiu 23:4

Hatimare lilisei kmana vetula te ninhigrana ke klignami ghotilo. Nu mare thedi na ginauna theome tangomana te fariuriu leghuni kaisei vetula ka igre.

Profet Isaia 58:6

“Iara theome magnahagheni nafnata puhi igne. Iara magnahaghei ghami ghotilo te thosei edi nafnata puhi te diꞌa nei goigonidi keha naiknore teu igre. Ghotilo thosei lisa lao gloku biꞌo mala paradi mare, nu ghotilo snakredi mare mala snagla.

Profet Isaia 47:2

Iagho tei mala figri thina biꞌo te mala ghorhu wit te mala vuhai bret ia. Iagho hata koko pohe te mala toku tafrudi tathamu nei foflomu teu are. Eghuteuna iagho hata koko nou famane pohe ana. Uve, iagho hesra haghe nou pohe na mala kasa ka khoꞌu biꞌo are.

Thoutonu Eigna Mae Job 31:10

uve, snakreni khetogu iara na mala jateula nogna gaꞌase gloku eghu keha mae na mala thuru balugna mana.

Eksodas 23:5

Kate filoni ghotilo kaisei dongki ba kaisei buluka te tahuni nanhiꞌo biꞌo te uka pari na, ghotilo thosei lisa laoni thuru au naꞌa pari. Neubane nogna mae ihei te tirogna ghami na, ghotilo toghoni nogna mana na ke fakegra hagheni.

Eksodas 11:5

eghuteuna goro mae sua nalhaꞌu teke kulu karha ka tharakna te gnafa ka naiknodi Ijep gre ginau na lehe, vuvuha ka mae thumu ulu lahu iagho te mala ke tughu nigho iagho na ghilei tei posa ka thugna naikno gloku kolho na. Eghuteuna sua ulu lahu te karha ka buluka ba gre ginau na jaola lehe.

Eksodas 2:11

Kaisei narane, kate rheta tela biꞌohi na, Moses tei ne sighodi kheragna mae Hibru gre, eghuteuna mana filodi maedi Ijep gre huhurudi mare mala loku heta fara. Ka narane tuana, mana ne filoni kaisei maegna Ijep ne puri fadiꞌani kaisei maegna Hibru.

Eksodas 1:11

Aonu mae Ijep igre ne lilisei keha mae mala reireghidi nei huhurudi eghu maedi Israel mala loku jateula naikno sneka eghu. Mare eni igne mala thofno paradi mare. Ka puhi igne mare huhurudi mare mala loku ka phei namono biꞌo Pitom ghe Ramese, aheva king te lilisei gano nei keha glepo eghu tagna.

Profet Jeremaea 7:18

Goro suara salo gaju mei, eghuteuna mae kmadira eꞌei khaꞌaghi, eghuteuna idodira ngigno flaoa mala eꞌei bret mala fafara ka god gaꞌase Kuin Gna Kligna. Mare jaola toatofa waen ka keha god te mala pogho soru mare tadi re. Mare edi igre mala goigoni ghau iara kolho.