Lamentations 4:9 - Buka Blahi Ka Cheke Holo

⁹ Mare theo ghedi gano ka nagare, eghuteuna mare thono rofo nodi fara. Te keli na mare nabadi te lehe na, jateula iheire te lehe ka magra ra eghu.

Lamentations 4:9 ပူးပေါင်းရင်းမြစ်များ

Profet Esikiel 24:23

Ghotilo ginauna na theome hata koko pohe diꞌanagnafa igne ka phaꞌumi re, ba hata koko sandol ka ghahemi are. Ghotilo ginauna na theome diꞌanagnafa nei tanhi eghu, nu ghotilo ginauna tanhi faꞌikoi kolho eghuteuna ghotilo ginauna glaꞌe fara ka nakhibomi are.

Levitikas 26:39

Eghuteuna tothoghei ikoi iheire te karha nga teu ka ghotilo igre, ghotilo ginauna diꞌa nagnafami fara ka nodi vido nomi naoka ghotilore. Uve, ghotilo ginauna diꞌa nagnafami fara eidi nakhibomi themi re, nei nakhibodi kuꞌemi ghotilo ra.”

Profet Esikiel 33:10

Lord ne cheke eghu ka iara, “Maegna ka nauthoglu. Iagho mala cheke eghu ka naiknodi Israel, ‘Iagho cheke eghu: Faꞌunha eghu ginauna ame karha nga ghehati? Puhimi ghehati te diꞌa gre jateula kaisei glepo tahu te pala teu ghehati ra eghu. Ghehati thofno glaꞌe soru ka nakhibomi gre.’

Profet Jeremaea 16:4

“Naikno igre ginauna lehe. Kehare ginauna lehe ka fogra biꞌo. Eghuteuna kehare ginauna mei mae naoka aknu falehe. Eghuteuna kehare ginauna lehe ka grofo. Eghuteuna theo kaisei naikno nate kokhonidi nei tanhidi teure. Eghuteuna theo kaisei naikno nate giugilui thinidire. Eghuteuna thinidi re ginauna naga tafri ke kligna glose. Aonu saroko nei khuma mata ginauna mei ghamu fahui thinidi re.”

Eksodas 16:3

Naiknore ne cheke eghu ka phia mare, “Jame te keli na Lord gne jame neke falehe ghami ghehati kolho Ijep. Au teku jare ia ghehati neke au ghemi kmana nafnata gano te magnahaghedi ghehati re. Nu ghopa ne atha mei ghami ghehati ka namono nagou te theo kaisei gano gna igne neu. Ba ghopa magnahaghei ghami ghehati te mei lehe agne sia? Jame au meu ghehati Ijep me lehe meu na keli!”

Fapea Kings 25:3

Ka nabotho kaisei finogha te king mae Sedekaea, ka nabotho nhanai gna nigra Julae, naikno gna namono biꞌo igne ne kafe rofo, naugna la huihila gano na.

Diutronomi 28:51

Mare ginauna aknu falehe nomi buluka, sipu, nanigot nei dongki teu ghotilo re, eghuteuna mare na jaola hata gano ka nagare ghotilo re. Eghume ghotilo ginauna rofo ghilei lehe. Mare ginauna theome lisei soru kaisei wit, ba waen majaghani, ba oliv oel, ba buluka, ba sipu, eghuteuna ghotilo ginauna rofo ghilei lehe.

Profet Isaia 22:2

Ghotilo rugusi fara heva heva ke lamnagna namono igne, eghuteuna ghotilo jaola eha tongana, naugna ghotilo ne ei gaghamu biꞌo. Nu ghotilo theome ghathodi kolho kherada tela lehehi ra. Mare neke theome lehe kolho ka magra.

Profet Esikiel 4:16

Aonu mana ne cheke eghu, “Maegna ka nauthoglu. Iara ginauna lhotini puhi te mala hata gano ka naiknodi Jerusalem gre. Mare ginauna skel kolho ghedi gano nei khoꞌu teu te mala koꞌu na, naugna gano nei khoꞌu teuna theome naba, ka puhi igne mare na diꞌanagnafadi fara nei nanga nodi fara eghu kolho. Naugna mare ne tapla jafra fabrahu ka nakhibo, eghume mare ginauna nhubradi kolho, eghuteuna mare na fififri fara kate filoni mare keha mae na.”

Profet Esikiel 7:15

Mae naokare au ke kosigna namono na, eghuteuna grofo nei fogra teuna au ke lamna. Naikno te jifla ke kosi namono na, ginauna kafe lehe ka magra. Eghuteuna naikno te au ke lamna namono na ginauna lehe ka grofo nei fogra.