Lamentations 4:8 - Buka Blahi Ka Cheke Holo

⁸ Nu gognarona tathadi nei foflodi teure thona jateula nakrofu khaꞌaghi eghu, eghuteuna naiknore theome tangomana te filo glanidire. Mare nhubradi kolho eghuteuna thinidi re mojadi tahu jateula gaju eghu.

Lamentations 4:8 ပူးပေါင်းရင်းမြစ်များ

Lamentations 5:10

Ghehati fagrutu fara, naugna ghehati rofo ne salaꞌui.

Thoutonu Eigna Mae Job 30:30

Thinigu na brana fara ka fagrutu. Eghuteuna guligu iara na jateula te thunu ka naprai ra lau.

Nodi Khoje Hatimare Mae Jiu 119:83

Neubane diꞌa fara ngau iara nakarhagu na, iara theome ghatho ihoni kolho nou vetula iagho na.

Thoutonu Eigna Mae Job 19:20

Iara krurhu la nhubragu kolho, eghuteuna iara namo lehe, nu iara karha ngau.

Profet Nahum 2:10

Namono igne la thono groꞌe farahi. Mae naoka igre la hata fahui gobigna lepore. Theo kaisei glepo te au na. Naiknore mhaghu fara, ne thofno gla'e soru, eghuteuna tathadi nei foflodi teure thono diꞌa fara filodi re.

Profet Joel 2:6

Kate mei te namo rehati na, naiknore mhaghu nodi fara filo laodire.

Profet Isaia 52:14

Tifa na naiknore neke fakokhoanani mana, eghuteuna tathagna nei foflogna teure neke thofno diꞌa fara neke theome jateula naikno neku filogna na. Eghuteuna naiknore neke jaglo nodi fara kate filoni mana na.

Nodi Khoje Hatimare Mae Jiu 102:11

Iara karhau katha vido kmoꞌei kolho, jateula naungo te namo dofini fei grafi ra eghu kolho. Uve, iara gne jateula buburu tela brangohira eghu kolho.

Nodi Khoje Hatimare Mae Jiu 38:3

Iara au khabru biꞌo ka thinigu na, naugna iagho ne diꞌatamu ka iara eidi nakhibo teke edi iara igre.

Nodi Khoje Hatimare Mae Jiu 32:4

Bongi narane na khamemu iagho na para ghau iara fara. Iara theo kaisei nogu nolaghi kolho, jateula khoꞌu te krango ka naprai ia eghu.

Thoutonu Eigna Mae Job 33:21

Mana gagaro fara, eghuteuna iagho tangomana te kahadi kolho nhubragna te gnafa mana re.

Thoutonu Eigna Mae Job 2:12

Kate au teu delei te filo teini mae Job na, mare ne theome filo glani mana. Aonu mare ne funu tanhi fabiꞌo, mare rerheku nodi pohere, eghuteuna ghiha nakrofu ka phaꞌudire naugna mare ne thofno diꞌa nagnafadi fara ka mana.

Luku 10:11

‘Te luti gnagnapa gna nomi namono ghotilo gne ka ghahemi ghehatire. Ghehati na ghiha koko, fagaglana gna God nate fate ghami ghotilo ginauna. Nu ghotilo lase fakelini igne: narane te funei frunidi God naiknore la namo meihi.’