Lamentations 4:22 - Buka Blahi Ka Cheke Holo

²² Ghotilo naiknomi Jerusalem ra, noda naꞌau papara tahati ra ginauna hui. Lord ginauna theome snakre ghita te au fabrahu tahati ka kantri te khaba. Nu ghotilo naiknomi Idom ra, Lord ginauna para ghami ghotilo eidi nakhibomi ghotilo are, eghuteuna fakakhana najafra teke edi ghotilo ra eghu.

Lamentations 4:22 ပူးပေါင်းရင်းမြစ်များ

Profet Isaia 40:2

Thoghei famane cheke ranghidi naiknodi Jerusalem, eghuteuna cheke ka mare te narane ninhigrana te thokedi mare igne la gnafahi. Uve, iara Lord la paradihi mare eidi nakhibodi fateote'o teke edi mare ra. Iara neke tusu ranghidi papara biꞌo, nu gognarona la gnafahi eghu.”

Profet Jeremaea 50:20

Ka narane tuare, iara ginauna na theome filoni kaisei nakhibo ka iheire te au nga teu, naugna iara na atha fadelei nakhibodi naikno gre.” Igne cheke gna Lord.

Nodi Khoje Hatimare Mae Jiu 137:7

Lord God, ghathodi sagho glepo te diꞌa te cheke meidi ka ghehati naiknodi Idom gre, ka narane teke mei mae Babilon teke magra ka ghehati Jerusalem ia. Naiknodi Idom gre neke cheke eghu fabrahu, “Paꞌe soru namono biꞌo tuana, paꞌe soru pari!”

Profet Malakai 1:4

Naiknodi Idom teke karha mei ke leghugna mae Iso igre jame cheke eghu, “Neuba mare ne mei goigoni noda namono tahati gne, tahati tangomana teke hohoro fapulo na.” Nu Lord mae ihei te au nolaghi fateoteꞌo igne ne cheke eghu, “Uve, jame teke hohoro fapulo ghotilo na, iara ginauna kiloni namono Idom igne, ‘Nodi namono iheire te tapla jafra ka nakhibo’ eghuteuna Lord ginauna diꞌatagna fabrahu ka naiknodi Idom gre.

Profet Esikiel 37:28

Nogu vido blahi iara na ginauna au fabrahu farihoteidi mare, eghume naiknodi keha kantri igre ginauna laseni te iara Lord neke vahidi naiknodi Israel igre mala nogu naikno blahi iara.’ ”

Lamentations 4:21

Ghotilo naiknomi Idom nei Us teura ghotilo glealeꞌa nomi gognaro gne. Nu ginauna puhi biꞌo na thoke ghami ghotilo, eigna ghotilo nolo jateula mae te koꞌu te fagoigoli ra neu, eghuteuna ghotilo mamaja nomi naugna ghotilo ne soesole.

Lamentations 4:6

God neke roꞌeni kaisei fata kolho namono Sodom, eghuteuna theo kaisei naikno te toghodi naiknogna namono tuana. Nu naꞌau papara te thokedi nogu naikno iara igre thofno diꞌa fara salaꞌuni nodi naꞌau papara naiknodi Sodom tifa ra.

Profet Jeremaea 33:8

Mare figri tagru ghau iara ne edi kmana nakhibo, nu iara ginauna nake fagae fapulodi. Uve, iara ginauna atha koko nakhibo teke edi mare kate figri tagru ghau iara na.

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Profet Isaia 60:18

Ghotilo ginauna na theome nomhini naogla gna magra na ke lamnagna nomi kantri ghotilo igne. Eghuteuna hatimare mae naoka na theome tangomana te mei goigoni nomi namono ghotilo igne. Iara ginauna reireghi ghami ghotilo, nei bara ghami eghu ghotilo, jateula bara thina te ringni ligoho ghami ghotilo igne eghu. Eghuteuna ka narane tuana, ghotilo ginauna cheke fakeli ghau iara, naugna iara neke fakarhi ghami ghotilo.

Profet Isaia 52:1

Dofra haghe ghotilo naiknomi Jerusalem! Farerheta nagnafami are! Ghotilo mala fagae ghami themi ka namono blahi Jerusalem. Naugna naikno bongihehe baludi naikno te theome gae ka tathagna God igre ginauna theome ruma haghe ka namono Jerusalem.

Profet Jeremaea 33:7

Iara ginauna edi maedi Juda nei maedi Israel teu igre mala au fakeli ka nodi namono na mala jateula teke tifa ia eghu.

Profet Jeremaea 49:10

Nu iara ginauna mei atha nomi gobigna lepo ghotilo vikegna mae Iso ra. Eghuteuna iara ginauna ari hirodi nomi vido mala poru ghotilo are, mala theo kaisei vido aheva nga nate rikha te tei poru ghotilo na. Iara ginauna aknu falehe mae te gnafa ka vikegna Iso balu thudi, kheradi nei vikedi teure.

Profet Esikiel 6:12

Iheire te au delei igre ginauna lehe ka fogra, eghuteuna iheire te au namo igre ginauna lehe ka magra, eghuteuna iheire te karha teu igre, ginauna lehe ka grofo. Ka puhi igne iara ginauna gnafa te diꞌatagu ka mare na.

Profet Malakai 1:3

Nu iara neke theome magnahagheini mae Iso nei iheire te karha mei ke leghugna manare. Naugna igne iara snakredi mae naokare mala mei goigonini nodi namono vikegna mana teke au ka thogele na mala nodi namono khuma mata.”

Profet Obadaea 1:10

Lord ne cheke eghu, “Ghotilo naiknomi Idom, ghotilo blau nodi glepo kherami themi teke vikegna mae Jekop ra. Eghume, iara ginauna roꞌe ghami nei nhaꞌa fapari ghami eghu ghotilo mala mamaja nomi ghotilo.