Lamentations 4:20 - Buka Blahi Ka Cheke Holo

²⁰ King igne neke vavahi Lord, mana jateula te louloku teu eghu nakarhada tahati gre. Tahati gaoghathoda na mana tangomana te reireghi ghita ka keha kantri are neku, nu naoka hata fajiflani mana ka tahati.

Lamentations 4:20 ပူးပေါင်းရင်းမြစ်များ

Profet Esikiel 12:13

Nu iara Lord ginauna lilisei kaisei phighoro mala khaleni mana. Eghuteuna iara ginauna hatani mana mei ka namono Babilonia. Mana ginauna na au fabrahu ka namono te au mana na ghilei lehe, na theome filoni nogna namono na.

Profet Jeremaea 39:5

Nu armi gna Babilonia igne ngolhidi ne tei thokeni mae Sedekaea ka sare Jeriko. Mare lokini mana jare atha ne tei ka King Nebukadnesa, te au teu ka namono Ribla ka nohi Hamat. Jare King Nebukadnesa ne fateni mana.

Fapea Samuel 19:21

Nu mae Abisae thugna Seruia igne ne cheke eghu, “Mae Simei gne nabagna te aknu falehe kolho. Naugna mana neke cheke fadiꞌani king teke vavahi Lord igne.”

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Lamentations 2:9

Grengatha te gnafa ka namono biꞌo na ne khoko pari ne thafru ka glose, eghuteuna loki re ne klopa. King baludi nogna mae funei re, naoka hata tei au ka keha kantri delei, eghuteuna theo kaisei naikno teke farirhiudi naiknore nogna vetula God na. Eghuteuna Lord theome fakakhana mifi ka hatimare mae profet.

Fapea Samuel 1:21

“Uve, ginauna theo kaisei nakhete ba kaisei nabubla nate soru mei ke kligna Thogele Gilboa. Eghuteuna nagare ka Thogele Gilboa are ginauna theo ganodi! Nodi greoreo phei mae nhetara la diꞌahi. Uve, theo kaisei mae nate tarabana nogna greoreo mae Sol te mala tei ka magra na.

Fapea Samuel 1:14

Mae Devet ne cheke eghu ka mana, “Naugna unha sagho te theome mhaghu te faleheni mae king teke vavahi Lord ignea?

Profet Esikiel 17:18

Mana la huhughunihi u nhaꞌa cheke teke eni mana balugna king gna Babilonia ia, eghuteuna mana jaola theome leghudi cheke mala fofodu fakeli balugna mana teku ra. Eghume, mana ginauna theome tangomana te rikhani papara igne.

Profet Jeremaea 52:8

Nu mae soldia di Babilonia igre ngolho leghudi ne tei thokeni King Sedekaea ka glogu rhegna namono Jeriko, nu nogna soldia mae king igre ne rikha kokoni mana.

Fapea Samuel 18:3

Nu mare ne cheke eghu ka mana, “Theo. Iagho thosei tei balumi ghehati! Eigna jame te rikha ghehati ka magra na, ba jame te aknu falehe mare kaisei vidogna ka armi ghehati igne na, tuana theo nafugna kolho ka gaoghathodi mare na. Nu jame te tei iagho balumi ghehati te falehe nigho mare ka magra na, igne jateula te aknu falehe mare nabotho thogha soldia ka ghehati ra eghu. Eghume te keli na iagho au ka namono. Eghuteuna jame te kmoꞌe ghehati ka soldia, ba ka unha na iagho mala famei thotogho ka ghehati.”

Ululahu Samuel 26:16

Iagho theome eni kolho nou gloku na! Iara thofno cheke kate tutuani fara ka nanghagna Lord mae ihei te karha te tifa. Ghotilo jame neke kafe lehehi. Lord neke vahini nomi mae funei ghotilo ana mala king neku, nu ghotilo theome reireghi fakelini mana! Faghila filo tafri si ghotilo! Ahevau nogna goru mae king ia? Ahevau ghegna botol khoꞌu mana ia?”

Ululahu Samuel 26:9

Nu mae Devet ne cheke faꞌikoi eghu ka mana, “Theo, iagho thosei faleheni mana! Eigna God ginauna parani ihei te faleheni king teke vavahi mana na.

Ululahu Samuel 24:10

Iagho laseni unha teke eni ka gluma na ginei ia. Lord neke snakre mei nigho iagho ka nogu nolaghi iara! Nu iara theome magnahagheni te falehe nigho iagho na. Iara kokhoni nigho iagho neke cheke eghu, ‘Iara theome tangomana te goigoni ni nogu funei na, naugna Lord neke vahini mana.’

Ululahu Samuel 24:6

Mana ne cheke faꞌikoi eghu ka mae te tei balugna re, “Lisa lao ka Lord, iara theome tangomana te eni kaisei puhi te diꞌa ka nogu funei na, eigna Lord neke vahini mana.”

Ululahu Samuel 16:6

Kate mei mare na, mae profet ne filoni mae Eliab. Mana ne ghaoghatho eghu ka nagnafagna na, “Jame mae te mei kegra ke ulugna Lord igne ngala jame teke vavahi mana na.”

Ululahu Samuel 12:5

Aonu, mae Samuel ne cheke eghu, “Lord balugna king teke vavahi mana igne, phiamare la nomhidihi nomi cheke ghotilo re gognarogne, eigna ghotilo chekeni teke theome eni iara kaisei najafra na.” Eghuteuna mare ne cheke eghu, “Uve, Lord ngala te laseni na.”

Ululahu Samuel 12:3

Iara kegra haghe balumi ghotilo gognarona, eghume jame teke eni iara kaisei glepo te theome doglo ka gaoghathomi ghotilo na, ghotilo cheke mei ka iara ke ulugna Lord, nei ke ulugna king mae ihei teke vahini mana. Jame teke blau iara kaisei nogna buluka ihei na, ba kaisei nogna dongki ihei na, ba chaghini ihei mala blau keha nogna glepo mana re teku na, ba goigonini ihei, ba hata seleni ka ihei mala poruni nogna najafra mana re teku na, te keli na ghotilo cheke fajifladi mala fadoglidi iara. Jame teke eni iara kaisei glepo jateula igre teku na, iara ginauna nake tusu fapulo glepo teke hata iara re.”

Jenesis 44:30

“Mae biꞌo, jame te ke pulo iara ka mae mama eghuteuna theome filoni mae mama mae sitei gne teke pulo balugu iara teuna, mana ginauna na lehe, naugna mae sitei igne e thofno nagnafagna fara mae mama. Mae kmami ghehati na mana la thono kueku'e fara hi. Eghuteuna jame te theome hata fapulo ghehati balumi mae sitei igne na, mae mama ginauna na lehe ka diꞌanagnafa.

Fapea Kronikols 35:25

Ka narane tuare, Profet Jeremaea neke edi keha khoje diꞌanagnafa kate lehe Josia na. Funu ka narane tuare, naiknore koje khoje igne kate diꞌanagnafa mare ka Josia na. Eghuteuna khoje igne jateula nodi kastom khoje eghu naiknodi Israel. Mare neke rioriso soru ka nodi Buka re khoje mala diꞌanagnafa igre.

Profet Jeremaea 52:9

Mare lokini mana jare atha ne tei ka King Nebukadnesa, te au ka namono Ribla ka nohi Hamat. Ka namono igne, King Nebukadnesa ne fateni mana.

Profet Daniel 4:12

Khaklagna gaju igne famane fara. Eghuteuna fuꞌagnare kmana fara, naba te ima naikno gna nauthoglu igne. Eghuteuna buluka nei sipu nei nanigot nei hose teu igre mei gnafa ke parigna gaju igne, eghuteuna nanghajire mei horo gnoku ka gregegnare, eghuteuna thua nafnata glepo te karha ba te tautagu igre mei ghamu ka fuꞌagna na.

Jajis 9:15

“Eghuteuna phono na ne cheke eghu ka gaju igre, ‘Jame te thofno magnahaghei ghau iara tutuani ghotilo te mala noda funei tahati na, ghotilo mei poru ka naungogu iara na. Nu jame te chaghi ghotilo na, khaꞌaghi kolho nate jifla mei te mala nhako fahui gaju te gnafa igre ghilei tei posa ka famane gajudi Lebanon.’ ”

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Profet Esikiel 31:17

Eghuteuna naiknodi keha kantri teke poru ka naungogna tifa ra, mare jaola lehe soru pari ka Beku baludi mae iheire teke lehe ka magra ra.

Profet Hosia 13:10

Ghotilo neke tore ghau iara mala tusu ranghi ghami kaisei nomi king mala togho ghami. Nu aheva gne nomi king ghotilo na, ba nomi mae mala baubatu ghotilo na? Mare theome tangomana nate fakarhi ghami ghotilo na!