Lamentations 4:19 - Buka Blahi Ka Cheke Holo

¹⁹ Noda naoka tahati gre flalo jateula gaghata te flalo te soru te hata ghegna gano ra eghu. Mare ngolhi ghita ke kligna thogele, eghuteuna poru ka namono nagou mala loki ghita.

Lamentations 4:19 ပူးပေါင်းရင်းမြစ်များ

Profet Habaku 1:8

Nodi hosere umhu fara salaꞌuni khurau biꞌo te kiloi lepad. Kate magra na mae igre jateula khuma mata te rofo ra eghu glalama salaꞌui. Nodi hosere dadahai pari ka glose na, naugna mare magnahaghei te faghose tei. Eghuteuna maedi Babilonia igre jateula gaghata te tava te soru pari te mala hata ganora eghu theidi re. Eghuteuna mae soldia te saghe ka hose igre, mare chari mei funudi ka vido aheva te khaba mala mei goigonidi nodi naokare.

Profet Jeremaea 4:13

Aonu, mae Jeremaea ne cheke eghu ka naiknore, “Filo si ghotilo! Hatimare mae naoka! Mare ginauna mei jateula nuri blahi te mei balu gromno ra eghu. Nodi chariot mae igre ginauna mei jateula saeklon eghu. Eghuteuna nodi hosere umhu fara salaꞌuni gaghata te flalo ka maloa na ia.” Aonu ghotilo ginauna cheke eghu, “Tore, tahati gne lehehi!”

Profet Hosia 8:1

Lord ne cheke eghu, “Ghotilo mae sekiuriti ra ifu nomi khufli ra mala nomhini dofrau naiknore. Naoka na ginau soru mei jateula kaisei gaghata eghu mala mei hata nogu kantri iara igne. Naugna nogu naikno iara igre theome leghuni nogu nhaꞌa cheke teke eni iara ka mare tifa ia, nei tirodi nomhini chekegu iara na.

Diutronomi 28:49

“Lord ginauna hata mei kaisei armi gna kaisei kantri te khaba fara mala mei magra ka ghotilo. Nodi namono na au ka keha philegna nauthoglu igne, eghuteuna ghotilo theome laseni nodi cheke mare na. Mare ginauna mei ka ghotilo jateula kaisei gaghata te flalo te sukha ra eghu.

Profet Emos 2:14

Ka narane igne, mae te lase chari ra, ginauna theome tangomana te rikha na. Mae te nhetara ginauna nigra theome tangomana te fakarhidi thedi na.

Levitikas 26:36

“Iara ginauna famamhaghu ghami ghotilo iheire te au teu ka keha kantri ra mala thofno mhaghu nomi fara ghotilo. Neubane naogla gna kaisei khakla gnognofi te flalo ka nuri, ghotilo mhaghu na rikha. Eghuteuna ghotilo ginauna rikha jateula te ngolhi ghami mae naoka ra eghu, eghuteuna ghotilo ginauna tangomana te uka na, neubane theo kaisei naikno te ngolhi ghami ghotilo na. Eghuteuna ghotilo ginauna rikha na tothokei fari themi kolho, na uka tafri pari, eghuteuna ginauna theo nomi nolaghi te mala magridi nomi naoka re.

Profet Jeremaea 16:16

Lord ne cheke eghu, “Iara ginauna kurudi mae naoka mala mei agne Juda, eghuteuna mare ginauna mei korho ghami ghotilo, jateula te korho sasa ra eghu. Eghuteuna ke leghugna igne, iara ginauna nake kurudi keha mae naokai mala mei hiro ghami ghotilo jateula mae te hiro gano tafri ka thogele, nei gukhu, nei khora thina teu ra eghu.

Lamentations 1:13

“Mana kuru soru khaꞌaghi funu kligna ne gnhubra glamnagu iara na. Mana ne lilisei kaisei phighoro malagu iara, mala uka iara. Mana tei koko ghau iara, mala glaꞌe soru iara.

Profet Hosia 8:3

Nu theo eghu. Mare theome magnahaghei te leghuni puhi te keli na nei doglo na teuna. Eghume, mae naokare ginauna mei ngolhi fajifladi ka namonodire.