Lamentations 4:17 - Buka Blahi Ka Cheke Holo

¹⁷ Tahati jaola toetoe fakelini ihei nate mei togho ghita na. Jateula mae te toetoe teu ke kligna thoa ra eghu, tahati ofoni kantri te fofodu ka tahati na mala mei eghu, nu kantri igne theome tangomana kolho te totogho na.

Lamentations 4:17 ပူးပေါင်းရင်းမြစ်များ

Profet Esikiel 29:16

Uve, naiknodi Israel gre ginauna theome filo ka kantri igne te mala toghodi na. Kate filoni Israel glepo igne na, mare ginauna laseni te jafra te mala hiro thotogho ka mana na. Naugna igne naiknodi Israel ginauna laseni te iara Lord God.’ ”

Profet Isaia 20:5

Naiknodi Filistia te gnafa te rouronu ka naiknodi Kus ghe Ijep te mala toghodi, teu igre ginauna thono mhaghu nodi fara balu diꞌanagnafa.

Fapea Kings 24:7

Ke leghugna igne, king gna Ijep balugna nogna armi na ne theome jifla ka nogna kantri na, naugna king gna Babilonia kela hata kasahila nohi thongana teke khotogna king gna Ijep te funu ka khoꞌu ikoi ka nohigna Ijep tei posa ke raru Khoꞌu biꞌo Iufretis.

Lamentations 1:19

“Iara kilo meidi kheragure, nu mare tirodi ghau iara. Nogu mae pris nei mae funei teu iara re, mare tei hiro gano ka nabrougna namono na, nu mare theome tangomana te thafoni kaisei gano, eghuteuna gognarona mare lehe ka grofo kolho.

Lamentations 1:7

Jerusalem gognarona thofno diꞌa parilahu, eghuteuna naiknore neke ghatho fapulodi nakarha te keli nei dedei fara teku tifa re. Kate mei naoka te uluni namono biꞌo Jerusalem igne, theo kaisei naikno nate toghoni na. Kate filoni igne, mae naoka gre ne maꞌeni, naugna namono igne la groꞌehi.

Profet Jeremaea 8:20

Naiknore ne eha eghu fabiꞌo, “Narane te mala dokha gano ka nagare na la salaꞌuhi, eghuteuna narane te mala salo fuꞌa gaju na la gnafahi. Nu God na theome fakarhi ghita.”

Profet Jeremaea 2:36

Naugna unha si ghotilo te tei tafri te leghudi nodi god keha kantri delei igrea, ba mala togho ghami mare? Hatimare mae Ijep ginauna na theome togho ghami ghotilo jateula hatimare mae Asiria teke theome togho ghami ghotilora eghu.

Profet Jeremaea 2:18

Ba, ghotilo tei ka kantri Ijep mala mei togho ghami mare? Ba, ghotilo magnahaghei tei koꞌu ka Khoꞌu biꞌo Nael? Ba, ghotilo tei ka kantri Asiria mala koꞌu ka Khoꞌu biꞌo Iufretis? Phei kantri igre theome tangomana nate fakarhi ghami ghotilo na!

Profet Isaia 28:18

Iara ginauna hata koko nhaꞌa cheke teke eni ghotilo balugna Glehe igne. Eghuteuna iara ginauna na jaola hata koko nhaꞌa cheke teke eni ghotilo ka Beku igne. Eghuteuna kate thoke mei puhi biꞌo jateula goighovi teu ka ghotilo igne, ghotilo ginauna theome tangomana te poru na, puhi biꞌo igne ginauna mei goigoni ghami ghotilo.

Profet Jeremaea 2:37

Eghuteuna ghotilo ginauna mamaja nomi nei diꞌanagnafami eghu kate jifla kokoni ghotilo vido igne, naugna iara theome magnahaghei ghami ghotilo. Eghuteuna kantri Ijep te rouronuni ghotilo igne ginauna theome tangomana te togho ghami ghotilo na.”

Lamentations 5:6

Ghehati lisa soru ghami themi ke parigna nodi nolaghi naiknodi Ijep ghe Asiria mala tangomana ghehati te au gano karha teuna.