Lamentations 4:14 - Buka Blahi Ka Cheke Holo

¹⁴ Mae mala baubatu igre tei tafri jateula mae te dofu eghu ke lamna nabrou biꞌo. Mare fathonadi thedi ka dadara, mala theome tangomana kaisei naikno te habo ka nodi pohe mare re.

Lamentations 4:14 ပူးပေါင်းရင်းမြစ်များ

Profet Jeremaea 2:34

Ghotilo chaghidi naikno te kuma te theome eni kaisei najafra na. Eghuteuna mae te kuma igne ne theome ruma ne blau ka nomi sugare. Neuba, puhi te eni ghotilo igne jateula puhigna mae ihei te faleheni mae kheragna fofodu na ia eghu. Puhi te eni ghotilo ka naikno te kumare igne goigoni ghami fara ghotilo, jateula vido dadara te goigoni nomi pohe ghotilo ra eghu.

Profet Isaia 56:10

Nodi lida mae Israel igre jateula mae sekiuriti te dofu nei iho teura eghu, naugna mare theome kulu chekedi nogu naikno iara re. Mare theome laseni kaisei glepo. Mare jateula khuma te fnotho foflogna na te theome eha kate mei mae te blau ra eghu. Mare jateula mae te thuru teura eghu kolho. Mare kelitadi kolho te mala koꞌu na.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Naba 19:16

“Eghuteuna jame kaisei mae haboni thinigna mae teke lehe ka magra na, ba ka keha glepo are, ba ka nhubradi naikno te lehe, ba tei habo ka bekugna mae te lehe na, mae tuana jaola theome klino nabagna fitu narane ka tathagu iara na.

Efesus 4:18

Tutuani mare theome laseni kaisei glepo nogna God naugna nagnafadire ne patugama fara. Eghume mare au khaba ka thofno nakarha te tutuani teke tusu mei God igne.

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Profet Hosia 4:2

Ghotilo nhaꞌa cheke koba ka iara, nu ghotilo theome leghudi kolho nomi nhaꞌa cheke re eghu. Tore, ghotilo naikno chaichaghi fara, nei mala falehe naikno, nei mala blau, nei mala theome leghuni puhigna tholaghi na. Ghotilo theome leghudi nogu vetula iara re ne paradi koba naiknore.

Naba 35:33

“Ghotilo laseni hila, mae aknu poru na tangomana te goigonini nomi namono ghotilo na. Eghume ghotilo thosei lisadi keha mae are mala goigonini nomi namono ghotilo na. Ghotilo mala faleheni kolho mae te khuru falehe naikno fara tuana, mala ke keli nomi namono ghotilo na.

Profet Jeremaea 26:8

Nu kate cheke te gnafa mae Jeremaea gobigna lepo teke chekedi Lord ka mana igre na, mae pris, mae profet nei naikno te gnafa teu igre ne lokini mae Jeremaea ne eha eghu fabiꞌo, “Iagho mala lehe!

Profet Esikiel 23:45

Nu ginauna mae te doglo nate fatedi repa na, nafnata mae teke fatedi goro gaꞌase te huhughuni vetulagna tholaghi na, ba mae ihei te aknu falehe naikno. Mare ginauna fatedi repa, naugna repa ne ei puhi diꞌa baludi keha maei, eghuteuna dadara au ka khamedi repa re.

Profet Sefanaea 1:17

Lord ne cheke eghu, “Naiknore ei puhi diꞌa ranghi ghau iara, eghume iara ginauna na tusu ranghidi thua nafnata puhi biꞌo. Eghuteuna naikno igre ginauna jateula naikno te dofu ra eghu na theome laseni aheva te tei na. Eghuteuna dadaradire ginauna thofa jateula khoꞌu eghu, eghuteuna thinidire ginauna boto siri ka glose na.