Lamentations 4:11 - Buka Blahi Ka Cheke Holo

¹¹ Lord ne thono diꞌatagna fara, eghuteuna diꞌatagna mana igne jateula khaꞌaghi biꞌo te tofa soru te gnhubra Jerusalem ra neu ne ghilei glose kolho te au na.

Lamentations 4:11 ပူးပေါင်းရင်းမြစ်များ

Profet Esikiel 22:31

Eghume, diꞌatagu iara na biꞌo fara jateula khaꞌaghi brana ra eghu, eghuteuna iara ginauna goigonidi mare naugna eidi glepo te diꞌa te edi mare are. Igne nogna cheke Lord God!”

Profet Jeremaea 7:20

Aonu Lord God ne cheke eghu, “Diꞌatagu iara na ginauna soru mei jateula khaꞌaghi te theome tangomana kaisei naikno te faleheni ra eghu ke kligna gna kantri igne, nei naikno, nei glepo te tautagu, nei gaju, nei gano ka nagare.

Lamentations 2:17

Tifa na Lord neke ghathonihi glepo igne mala eni neku. Uve, gognarona mana la enihi unha teke chekeni mana tifa ia. Mana la goigoni nighohi, eghuteuna mana theome kokhoni nigho iagho kolho. Mana tusu lao nolaghi biꞌo ka nogna naokare mala tangomana mare te glealeꞌa te mala ulu nigho iagho na.

Profet Jeremaea 17:27

Nu jame te theome leghu ghau nei tiromi tajini teu ghotilo narane Sabat te blahi igne na, eghuteuna jame te pala ghotilo glepo te tahu te ruma Jerusalem ka narane igne na, iara ginauna kuru mei kaisei khaꞌaghi biꞌo mala gnhubra namono biꞌo Jerusalem baludi grengatha biꞌo nei vido mala poru, eghuteuna ginauna na theo kaisei naikno nate faleheni khaꞌaghi igne na.’ ”

Luku 21:22

Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara.

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”

Profet Daniel 9:12

Iagho para ghamihi ghehati baludi nomi mae mala baubatu gre, jateula teke chekeni iagho tifa ia eghu. Iagho ngala teke snakreni glepo te diꞌa igne mala goigonini fara namono biꞌo Jerusalem, salaꞌudi keha namono teke goigoni ka nauthoglu igne.

Lamentations 4:22

Ghotilo naiknomi Jerusalem ra, noda naꞌau papara tahati ra ginauna hui. Lord ginauna theome snakre ghita te au fabrahu tahati ka kantri te khaba. Nu ghotilo naiknomi Idom ra, Lord ginauna para ghami ghotilo eidi nakhibomi ghotilo are, eghuteuna fakakhana najafra teke edi ghotilo ra eghu.

Lamentations 2:8

Lord au nogna gaoghatho rheta te mala paꞌe soru gringni thinagna Jerusalem. Mana fafajahi gringni thina igne, eghuteuna fakakhana nogna nolaghi na mala goigonidi mare. Mana koko sorudihi pari mala jateula mae te nigra ra eghu mare mala diꞌanagnafa nei tanhi eghu.

Profet Jeremaea 21:14

Iara thegu nate para ghami ghotilo eidi glepo diꞌa te edi fabrahu ghotilo igre. Iara ginauna nako nogna suga biꞌo mae king nei gobigna lepo te gnafa ke lamnagna namono biꞌo Jerusalem.’ ” Igne chekegna Lord.

Profet Jeremaea 13:14

Eghuteuna iara ginauna goigonidi naikno igre jateula mae ihei te goigoni phei botol igre eghu. Iara ginauna kafe goigonidi hui, idodi kmadi balu thudire. Ka narane igne, iara ginauna theome kokhonidi naikno igre. Thono theo fara. Iara ginauna kafe goigonidi hui.’ ” Igne chekegna Lord.

Profet Jeremaea 36:7

Jame te keli na mare fanomho nei tughu nagnafa eghu ka cheke te eidi iagho igre. Eghuteuna iagho toreni Lord mala atha koko mana nakhibo te edi mare te diꞌatagnadi mana ka mare igre.”

Profet Esikiel 6:12

Iheire te au delei igre ginauna lehe ka fogra, eghuteuna iheire te au namo igre ginauna lehe ka magra, eghuteuna iheire te karha teu igre, ginauna lehe ka grofo. Ka puhi igne iara ginauna gnafa te diꞌatagu ka mare na.

Profet Esikiel 36:18

Iara thono diꞌatagu fara ne paradi mare, naugna mare ne aknu falehe naikno ka namono igne, eghuteuna mare tarai ka mumuju. Mare goigoni namono igne ne theome klino ka tathagu iara na.

Profet Sefanaea 2:2

Jame te theome tughu nagnafa ghotilo na, diꞌatagna God igne ginauna brue tei ghami ghotilo delei jateula chara te flalo te tei delei ka nuri ra eghu. Eghuteuna diꞌatagna God te brana fara jateula khaꞌaghi teu igne ginauna mei thoke ghami ghotilo.

Levitikas 26:28

iara ginauna diꞌatagu fara nei theome keli ranghi ghami eghu ghotilo. Eghuteuna iara thegu ginauna thofno para ghami ghotilo fabrahu.

Profet Isaia 51:20

Ghotilo uka tafri ke lamna namono biꞌo, naugna ghotilo ne thono glaꞌe fara. Ghotilo jateula kaisei bosu mata te khale ka phighoro ra neu. Diꞌatagna nomi Lord God ghotilo igne thofno thoke ghami ghotilo.

Lamentations 2:1

Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Lamentations 2:3

Mana thono diꞌatagna fara, aonu mana hata fadelei nogna nolaghi na ka mae Israel mala glaꞌe fara mare. Kate mei mae naokare, mana tirogna toghodi naiknodi Israel. Diꞌatagna mana igne jateula khaꞌaghi te nhako te hui nodi gobigna lepo vikegna mae Jekop ra eghu.

Lamentations 2:4

Mana jateula mae naoka te ghao nogna phaloho na mala fada jata na teura eghu, mana tarabana mala goigoni ni Jerusalem. Mana jateula mae naoka te aknu falehedi te gnafa famane naikno ra eghu. Diꞌatagna mana na jateula khaꞌaghi brana te gnhubra namono Jerusalem ra eghu.