Lamentations 4:10 - Buka Blahi Ka Cheke Holo

¹⁰ Tifa na, idodi suare reireghi fakelidi thudire. Nu kate goigonidi God nogu naikno iara igre na, idodi re aknu falehe sua igre mala gahu ghamu.

Lamentations 4:10 ပူးပေါင်းရင်းမြစ်များ

Lamentations 2:20

“Lord! Filo mei sagho ka iara, mala ghatho ghau iara: Iagho neke parani kaisei naikno jateula igne neku tifa na? Neubane gaꞌase te namhadi fara thudi re, rehati ghamu thinidi thudi te lehe re! Nou mae pris nei profet teu iagho igre, mae naoka igre aknu falehedi ke lamna nou Sugablahi iagho!

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Profet Jeremaea 19:9

Kate mei mae naokare te kegra faligohoni namono na te magnahaghei aknu falehedi naiknore, iheire te au ke lamnagna namono igne ginauna theo gano rofo. Aonu mare ginauna rofo fara na ghilei ghamu thudi nalhaꞌu, thudi gaꞌase nei kheradi teure.’

Profet Esikiel 5:10

Ghotilo ginauna thafodi narane te thono ninhigrana fara ka grofo. Eghuteuna ka narane tuare kmadire ginauna ghamu thudire eghuteuna thudire ginauna jaola ghamu kmadire eghu. Uve, iara ginauna para ghami ghotilo, eghuteuna khi fajifladi iheire ka ghotilo te karha nga teu are mala tei au tafri ka keha kantri delei, jateula khakla teke kuchi koko ra te flalo te tei tafri ka nuri ra eghu.

Lamentations 4:3

Neuba idogna khuma mata na famane fachuꞌuni thugna na. Nu nogu naikno iara gre gognarona theome fanomho jateula nanghaji biꞌo te tirogna reireghidi thugna ra eghu.

Lamentations 3:48

Iara tanhi fabiꞌo, eghuteuna kholodi tathagu re oro soru jateula khoꞌu biꞌo neu, naugna iagho ne goigonidi nogu naikno iara gre.

Levitikas 26:29

Ghotilo ginauna thono rofo fara salaꞌudi tifa ra, ghilei ghamu ghotilo thumi themi are.

Fapea Kings 25:3

Ka nabotho kaisei finogha te king mae Sedekaea, ka nabotho nhanai gna nigra Julae, naikno gna namono biꞌo igne ne kafe rofo, naugna la huihila gano na.

Lamentations 2:11

Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Profet Isaia 22:2

Ghotilo rugusi fara heva heva ke lamnagna namono igne, eghuteuna ghotilo jaola eha tongana, naugna ghotilo ne ei gaghamu biꞌo. Nu ghotilo theome ghathodi kolho kherada tela lehehi ra. Mare neke theome lehe kolho ka magra.