Lamentations 3:7 - Buka Blahi Ka Cheke Holo

⁷ Mana reri ghau iara ka chen maku, eghuteuna nhaꞌa lao ghau iara ka suga sosolo mala theome tangomana iara te rikha na.

Lamentations 3:7 ပူးပေါင်းရင်းမြစ်များ

Thoutonu Eigna Mae Job 19:8

God fanograhi nogu nabrou iara na, eghume iara theome tangomana te thugha na. Mana eni nogu nabrou iara igne mala au ka gromno.

Thoutonu Eigna Mae Job 3:23

Naugna unha si God te tusu lao karha ka ihei nu theome snakreni mae igne filoni puhigna thegna na? Eghuteuna naugna unha si God te reireghini mae igne te mala theome leghuni unha te magnahagheni te eni mae ignea?

Profet Hosia 2:6

Eghume, iara ginauna hata gnarho phono mala bara fanogra nabrou te tei koba naꞌa igne mala theome tei naꞌa ka mae nalhaꞌu te magnahaghedi te tei koba naꞌa are.

Lamentations 1:14

“Nogu funei neke hata nakhibogu gre neke loku fodu. Nakhibo igre jateula glepo tahu te nhaꞌa mei ke klignadi fafragu iara ra eghu, eghume iara thofno glaꞌe soru fara. Mana lisa lao ghau iara ka khamedi nogu naokare, eghuteuna iara theome nheta te mala magra ka mare na.

Profet Jeremaea 40:4

Gognarogne iara atha koko chen igne ka khamemu iagho na mala snakre tei nigho iagho. Jame te magnahaghei mei iagho balugu iara na, tapa tangomana te tei Babilonia. Iara ginauna tangomana te reireghi fakeli nigho iagho na. Nu jame te tirou tei iagho na, keliu kolho. Filo sagho. Glose te au ke ulumu iagho ana, iagho snagla tangomana te tei ka namono aheva te magnahaghei tei iagho na.”

Profet Jeremaea 38:6

Aonu mare athani mae Jeremaea ne haru ka phukri ne farurhu soru lamna khora kho'u te au ke kosigna suga sososlo na. Igne nogna seu mae Malkaeja thugna mae king. Eghuteuna mae Malkaeja au ka suga gna king te reireghi teu mare igne. Seu igne krango theo kaisei khoꞌu tagna, nu fodu ka chopu kolho eghu. Mae Jeremaea ne thofno gnokro soru ka chopu igne.

Nodi Khoje Hatimare Mae Jiu 88:8

Iagho neke toghodi mae kheragu iara re neke tei koko ghau iara. Uve, iagho neke toghodi mare neke thono tirodi ghau iara. Iagho neke lisa lao ghau iara farihotei hoholo mala theome tangomana iara teke jifla na.

Profet Daniel 9:12

Iagho para ghamihi ghehati baludi nomi mae mala baubatu gre, jateula teke chekeni iagho tifa ia eghu. Iagho ngala teke snakreni glepo te diꞌa igne mala goigonini fara namono biꞌo Jerusalem, salaꞌudi keha namono teke goigoni ka nauthoglu igne.

Lamentations 5:5

Mae naoka gre para ghami ghehati, eghuteuna ghehati theome gnafa ka gloku na babaꞌo fara.

Lamentations 3:9

Ka vido aheva te magnahaghei tei iara na, mana bara ghau iara. Jateula te lilisei kaisei thina biꞌo te fanagra ka nogu nabrou iara naia eghu.

Nodi Khoje Hatimare Mae Jiu 88:9

Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.