Lamentations 3:66 - Buka Blahi Ka Cheke Holo

⁶⁶ Ngolhidi nei roꞌedi eghu sagho kate diꞌatamu te salaꞌui na mala dofidi mare ka nauthoglu igne.

Lamentations 3:66 ပူးပေါင်းရင်းမြစ်များ

Nodi Khoje Hatimare Mae Jiu 8:3

Kate filoni iara u maloa teke vuavuha iagho gne, iara ne filodi glaba nei nathunu teu are thono te famane lilisei fakeli iagho fara.

Lamentations 3:43

“Diꞌatamu iagho na ngolhi tafri ghami ghilei falehe ghami ghehati, eghuteuna iagho theome kokhoni ghami ghehati.

Profet Jeremaea 10:11

“Ghotilo cheke eghu ranghidi naikno bongihehe are, ‘Nomi god ghotilo are neke theome vuavuha nauthoglu ghe maloa igre, nu God mae ihei teke vuavuhadi nauthoglu ghe maloa igre ginauna goigonidi gnafa god igre mala dofidi ka nauthoglu igne.’ ”

Diutronomi 25:19

Lord nomi God ghotilo igne ginauna togho ghami ghotilo mala gnafa ka glose teke tusu ari mana te mala khotogna na, eghuteuna mae naoka te au faligoho ghami ghotilo are ginauna theome eni kaisei puhi te diꞌa ka ghotilo. Aonu ka narane tuare, ghotilo ginauna tei falehedi gnafa vikegna mae Amalek. Ghotilo ginauna goigonidi gnafa, mala theome tangomana kaisei naikno teke ghathodi re. Ghotilo thosei ghatho ihoni igne!”

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Nodi Khoje Hatimare Mae Jiu 35:6

Kate mei teidi mare nou engel iagho na te ngolhire, iara magnahagheni vido aheva te tei mare na totoglo nei romno fara eghu mala theome bligidi mare te rikha na.

Fapea Kings 14:27

Neke theome nogna gaoghatho Lord te mala thofno roꞌeni Israel na, nu mana neke cheke ka nagnafagna King Jeroboam, thugna mae Jehoas, mala fakarhidi mare.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Diutronomi 7:24

Iara ginauna lisa ari nodi king re ka khamemi ghotilo mala aknu falehedi hui mala theo kaisei na teke ghathodi re. Ghotilo ginauna aknu falehedi naiknore, eghuteuna theo kaisei naikno na teke kegra fanogridi ka ghotilo re.

Nodi Khoje Hatimare Mae Jiu 35:5

Kuru meini sagho nou engel na mala ngolhidi mae igre mala jateula chara wit te flalo tafri ka nuri ia eghu mare mala sopagna tei kolho.

Profet Jeremaea 15:15

Aonu iara ne cheke eghu, “Lord, iagho lase fakelini nakarhagu iara na. Naikno igre para ghau iara fabrahu. Ghatho ghau nei reireghi ghau eghu iara sagho. Tughu fapulo sagho ka mare puhi te goigoni ghau iara fabrahu mare igne. Thosei faraugha te paradi mare na, na eghunu falehe ghau iara mare eghu. Filo sagho, mare cheke fadiꞌa ghau koba iara, naugna iara nou mae gloku iagho.

Profet Hosia 8:3

Nu theo eghu. Mare theome magnahaghei te leghuni puhi te keli na nei doglo na teuna. Eghume, mae naokare ginauna mei ngolhi fajifladi ka namonodire.