Lamentations 3:59 - Buka Blahi Ka Cheke Holo

⁵⁹ Iagho filodihi mae naoka te goigoni ghau iara gre. Nu gognarona iagho fate ka puhi te doglo, fakakhana sagho te doglo iara na.

Lamentations 3:59 ပူးပေါင်းရင်းမြစ်များ

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.

Nodi Khoje Hatimare Mae Jiu 35:1

Lord, diꞌatamudi sagho naikno te diꞌatadi ghau iara igre. Magridi sagho naikno te magri ghau iara igre.

Nodi Khoje Hatimare Mae Jiu 26:1

Lord, kilo ghau iara kaisei mae te doglo ka tathamu na sagho, naugna iara ne eni koba puhi te magnahaghedi iagho re nei iara fatutuani nigho koba neu.

Nodi Khoje Hatimare Mae Jiu 9:4

Tutuani fara, kate fateni iagho naikno na, puhimu iagho na thono doglo fara. Eghuteuna kate fate ghau iara na, iagho theome filoni kaisei najafra ka iara.

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Nodi Khoje Hatimare Mae Jiu 35:23

Nogu Lord, kegra haghe mei togho ghau iara. Nogu God, kegra haghe mei cheke ka mare eigu iara.

Profet Jeremaea 15:10

Iara ne cheke eghu, “Ido! Iara thono diꞌa nagnafagu fara, eigna iagho neke fakarhi ghau iara! Leuleghu fata na iara fapholai nei cheke diꞌa fapulo eghu ka naiknogna kantri igne. Iara theome mae mala tufa sileni ka keha mae mala ke tughu fapulo mana ka iara, eghuteuna iara jaola theome kaoni sileni ka keha maere. Nu naikno te gnafa gre mare cheke fadiꞌa ghau iara.”

Jenesis 30:6

Resel ne cheke eghu, “God la falasenihi te keli fara puhigu iara na. Mana nomhini nogu tharai iara na ne tusu mei kaisei thugu iara.” Aonu Resel ne kiloni nanghagna sua na Dan. Nangha Dan teu igne gaoghathogna na “God ne falalase te theome jafra iara na” eghu.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.

Lamentations 3:36

Lord ginauna jaola laseni te theome leghuni mae fate na puhi te doglo na kate fate ghita tahati na.

Lamentations 3:60

Iagho lasedihi mae naoka gre mare theome magnahaghei ghau nei ghaoghatho mala falehe ghau eghu iara.