Lamentations 3:56 - Buka Blahi Ka Cheke Holo

⁵⁶ “Lord! Fanomho mei ka iara, thosei fofotho khulimu na kate tanhi ari iara ka iagho na!”

Lamentations 3:56 ပူးပေါင်းရင်းမြစ်များ

Nodi Khoje Hatimare Mae Jiu 55:1

God, fanomho mei ka nogu tharai gre. Thosei figri mei thagrumu na kate tanhi iara na.

Thoutonu Eigna Mae Job 34:28

Leuleghu fata na mare neke goigonidi fara naikno te kuma re. Eghuteuna naikno te kuma igre tanhi ka God. God nomhidi iheire te au kokhonidi, ne toghodi.

Letas Teke Riso Tei Mae Pol Ka Khiloau Rom 8:26

Jaola, Tharunga te Blahi na neke togho ghita naugna tahati theome heta kolho. Tahati theome laseni eigna tharai na, nu Tharunga te Blahi thegna te tarai heta ka God eida tahati ka natanhi te theome tangomana tahati te rurutha gaoghathogna na.

Nodi Khoje Hatimare Mae Jiu 34:6

Iara gne theo ihei nga te kokhoni ghau na, nu kate tore iara na, Lord nomhi ghau iara ne togho ghau iara ne atha fadeleidi puhigu iara re.

Nodi Khoje Hatimare Mae Jiu 66:19

Nu iara neke cheke thakledi ka God nakhibogure eghuteuna mana na la nomhidihi nogu tharai iara re eghu.

Nodi Khoje Hatimare Mae Jiu 3:4

Lord, kate au teu iagho ka thogele te blahi na, iara neke tore ari ka iagho. Eghuteuna iagho neke nomhi meidi nogu tharai iara gre neke togho ghau iara.

Fapea Kronikols 33:19

Eghuteuna keha glepo la ngau teke edi Manase re, Hosae neke rioriso soru ka nogna buka na. Ka buka igne, au thoutonu eigna nogna tharai mae Manase nei nogna cheke tughu God ranghini mana. Eghuteuna ka buka igne jaola au thoutonu eidi glepo te diꞌa teke kulu edi mana re, nei thoutonu eidi puhigna mana te diꞌa re, nei thoutonu eidi vido aheva teke horo mana vido blahi re, nei thoutonu eigna mumuju gna god gaꞌase Asera nei keha mumuju god teke lisei haghe langau mana re eghu. Igre glepo teke edi mana ame nhaꞌa faparini nga thegna teku na.

Fapea Kronikols 33:13

Lord nomhini nogna tharai mana na ne kokhoni nognani, aonu Lord snakreni mana mala ke pulo funei fruni Jerusalem. Naugna igne King Manase thofno laseni te Lord ngala God na.

Nodi Khoje Hatimare Mae Jiu 5:2

Iagho nogu God nei nogu king eghu iara. Togho mei ghau nei nomhidi eghu nogu natanhi gre.

Nodi Khoje Hatimare Mae Jiu 5:3

Hamerane na iagho nomhini naoglagu iara na. Lord, kate phagegna naprai na, iara mei tarai ke ulumu iagho, eghuteuna iara ofoni gho mala cheke tughudi nogu tharai gre.

Nodi Khoje Hatimare Mae Jiu 55:2

Fanomho fakeli ka iara, nei cheke tughu ghau eghu. Iara gognaro na thono glaꞌe fara eigna diꞌanagnafa na thono biꞌo fara ka iara.

Nodi Khoje Hatimare Mae Jiu 55:18

Kmana mae naoka fara te magri ghau iara re. Nu iara theome diꞌadi eghu, naugna God na reireghi ghau nei togho ghau eghu iara.

Profet Daniel 9:17

“God, fanomho mei ka nogu tharai iara nou mae gloku gne. Iara tore nigho mala ke babana fapulo iagho nou Sugablahi gne mala laseni naiknore te iagho ngala Lord na.