Lamentations 3:40 - Buka Blahi Ka Cheke Holo

⁴⁰ Te keli na tahati filo fakeli ka puhida gre, eghuteuna koko puhi te diꞌa igre mala ke pulo mei ka Lord.

Lamentations 3:40 ပူးပေါင်းရင်းမြစ်များ

Fapea Korin 13:5

Ghotilo mala fariuriu ghami themi koba mala laseni ghotilo te thofno fatutuani ni Kraes ba theo. Tutuani, ghotilo thofno laseni mae Jisas Kraes te au ke lamnami na, na eghunu theome fatutuani ni mana ghotilo eghu!

Nodi Khoje Hatimare Mae Jiu 119:59

Kate ghathodi iara puhimu iagho te keli gre eghuteuna filodi puhigu te theome raꞌe keli gre teuna, iara neke figri gaoghathogu na mala leghudi nou farirhiu iagho ra.

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Ululahu Korin 11:28

Naugna igne mana kulu filo glaninighu nagnafagna thegna na ame ima nga bret igne nei koꞌu nga hinao igne eghu.

Ululahu Korin 11:31

Jame te kulu filo glanidighu tahati nagnafada thedare nei edi gobigna lepo te doglo ba loku ka puhi te keli teuna, God ginauna theome fate ghita.

Fapea Kronikols 30:6

King nei nogna mae biꞌore eghu neke riso tei ka namono te gnafa re neke cheke eghu: “Ghotilo naiknomi Israel teke karha teku ke leghugna narane teke mei goigoni ghita armigna Asiria ia. Ghotilo mala ke pulo mei ka Lord nogna God mae Ebraham, nei mae Isak nei mae Jekop. Jame teke pulo mei ghotilo ka mana na, mana ginauna nake pulo mei ka ghotilo.

Profet Esikiel 18:28

Naugna mana ne filo glanidi nakhibogna re, eghuteuna mana tirognani puhi te diꞌa na, eghuteuna mana ginauna theome lehe.

Fapea Kronikols 30:9

Jame teke pulo mei ghotilo ka Lord, eghuteuna iheire teke hata kherada tahati ra teke tei au ka keha kantri delei ra, mare ginauna nake kokhonidi nake snakre fapulo meidi. Lord nomi God ghotilo igne thofno keli fara, eghuteuna mana tangomana te kokhonidi naiknore. Eghuteuna jame teke pulo mei ghotilo ka mana na, mana ginauna kelitagna fara ka ghotilo te au balugna mana na.”

Diutronomi 4:30

Jame te thoke mei puhi biꞌo ka ghotilo te au papara fara ghotilo ka glepo igre na, ghotilo ginauna nake figri ka Lord nomi God mala ke leghuni mana.

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Profet Hosia 12:6

Eghuteuna, ghotilo vikegna mae Jekop ra mala jateula mana eghu tughu nagnafa mala ke figri mei ka noda God. Ghotilo mala ghatho tahuni nei leghuni eghu mana ka puhi te doglo te mala fatedi naiknore. Eghuteuna ghotilo ofou mala filoni unha nate eni mana te mala fakarhi ghami na.

Profet Hosia 5:15

Uve, iara ginauna nake pulo mei ka nogu namono na mala ghilei filo glani mare najafra teke edi thedire. Kate au ka hoholo na, mare ginauna nake figri mei nake hiro ghau iara.”